უსუფაშვილი: შეთანხმება, რომელსაც კვირიკაშვილთან ორპარტიული სტრატეგიული მივაღწიეთ მიინგრ-მოინგრა

2016-08-02 09:40:07, 642 ნახვა

პოლიტიკა

„სტრატეგიული თანამშრომლობის შესახებ მიღებული შეთანხმება „ქართულ ოცნებასა“ და „რესპუბლიკელებს“ შორის ორ დღეში დასრულდება“, - ამის შესახებ პარლამენტის თავმჯდომარემ დავით უსუფაშვილმა „საზოგადოებრივი მაუწყებლის“ ეთერში განაცხადა.

მისივე განცხადებით, არჩევნებში ცალ-ცალკე მონაწილეობა ქვეყნის, საქმის და საგარეო ურთიერთობების ხარჯზე არ უნდა ხდებოდეს.

„ის შეთანხმება, რასაც ჩვენ მივაღწიეთ ბატონ კვირიკაშვილთან ორპარტიული სტრატეგიული თანამშრომლობის შესახებ შეთანხმებიდან ორ დღეშივე მიინგრ-მოინგრა. სტრატეგიული პარტნიორობა მალევე დასრულდა. ჩვენ გვითხრეს, რომ მას სურდა ამ ტიპის პარტნიორობა, მაგრამ მოხდა ისე, რომ პარტიამ სხვა პრიორიტეტი მოძებნა და განსაზღვრა. სტრატეგიული პარტნიორობა მალევე დასრულდა მაშინ, როდესაც ჩვენ ვთქვით, რომ არჩევნებში ცალ-ცალკე ვიღებთ მონაწილეობას. მაგრამ არჩევნებში ცალ-ცალკე მონაწილეობა ქვეყნის, საქმის ხარჯზე, საგარეო ურთიერთობების ხარჯზე არ უნდა ხდებოდეს. ჩვენ საქართველოს მოსახლეობას ერთად შევპირდით ქვეყნის ეფექტურ და სწორ მართვას”, -აღნიშნა უსუფაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან