საქართველოს პრემიერმა, "ქარული ოცნება-დემოკრატიული საქარათველოს" თავმჯდომარემ, გიორგი კვირიკაშვილმა, თიანეთის მოსახლეობას მაჟორიტარი დეპუტატობის კანდიდატი, ზაქარია ქუცნაშვილი წარუდგინა.

"ზაქარია აქტიური და წარმატებული დეპუტატია. ის მთის კაცია და ყველაზე კარგად იცის რა გტკივათ და რა გიხარიათ", - აღნიშნა კვირიკაშვილმა.

პრემიერმა ისაუბრა 4 წლის განმავლობაში განხორციელებულ პროექტებსა და მიღწევებზე, მათ შორის ჯანდაცვის, სოფლის მეურნეობისა და ეკონომიკის რეფორმებზე.

"ამ მიღწევების წყალობით მეტიდამეტი ადამიანი უნდა დასაქმდეს და ყველა ოჯახში უნდა შევიდეს კეთილდღეობა. ჩვენი გუნდი პროფესიონალებისგან შედგება და ჩვენ გვაქვს სწრაფი განვითარების გეგმა", - განაცხადა გიორგი კვირიკაშვილმა.

ზაქარია ქუცნაშვილმა პრემიერს გამოცხადებული ნდობისთვის მადლობა გადაუხადა და მოსახლეობას სამომავლო გეგმებზე ესაუბრა. "ჩვენ თქვენთვის ყველაფერს გავაკეთებთ, ჩვენი მოსახლეობა,ნამდვილად, იმსახურებს მშვიდობას, თავისუფლებასა და კეთილდღეობას", - განაცხადა ზაქარია ქუცნაშვილმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიცო: რუსეთთან ომში სამშვიდობო შეთანხმების მიღწევა უკრაინული მხარის თანხმობის გარეშე შეუძლებელია

კობახიძე: მზად ვართ ყველა საკითხი განვიხილოთ, თუ რაიმე ჭარბი რეგულაციაა, ჭარბი ჯარიმა

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა