აჭარის მთავრობის თავმჯდომარე ზურაბ პატარაძე მთიანი აჭარის მოსახლეობასთან შეხვედრებს იწყებს. მთიან მუნიციპალიტეტებში გასვლა რეგიონის ხელმძღვანელმა ხულოდან დაიწყო. ამის შესახებ "ექსპრენიუსს" აჭარის მთავრობის ადმინისტრაციის პრესსამსახურიდან აცნობეს.

მათი ინფორმაციით, ზურაბ პატარაძე სოფლის მეურნეობის მინისტრთან და მთავრობის აპარატის თანამშრომლებთან ერთად ხულოს მუნიციპალიტეტის გამგეობის თანამშრომლებს შეხვდა, რის შემდეგაც ხულოს ცენტრში შეკრებილ ადგილობრივ მოსახლეობას გაესაუბრა. მოსახლეობამ კმაყოფილება გამოთქვა ბოლო წლებში საგზაო ინფრასტრუქტურის მიმართულებით განხორციელებული პროექტებით, თუმცა გამოიკვეთა სხვადასხვა სოფელი და ადგილი, სადაც გზები საჭიროებს რეაბილიტაციას.

ხულოს ცენტრის შემდეგ მთავრობის თავმჯდომარე ღორჯომის ხეობას ესტუმრა, სადაც ადგილობრივი მოსახლეობა მოინახულა. მთავრობის თავმჯდომარეს თხოვნით მიმართეს სასწრაფო დახმარების მანქანების რაოდენობის გაზრდასთან დაკავშირებით. ზურაბ პატარაძემ მათ დახმარება აღუთქვა ამ პრობლემების გადაჭრაში. 

„მოსახლეობაზე ზრუნვა ჩვენი უმთავრესი პრიორიტეტია. ამ კუთხით ძალიან მნიშვნელოვანია საქართველოს მთავრობის მიერ შემუშავებული ,,მთის კანონი". უნდა განვახორციელოთ ახალი სოციალური პროექტები. სოფლის მეურნეობის მინისტრთან ერთად მთავრობა ყველა შესაძლებლობას გამოიყენებს, რომ მთაში მცხოვრები მოსახლეობის მიგრაცია ბარში შევაჩეროთ, ხალხი მთაში დავაბრუნოთ, სოფელი გაძლიერდეს, გახდეს შემოსავლიანი და ადგილზევე დასაქმდეს მოსახლეობა. ამიტომ საჭიროა გვერდით გადავდოთ პარტიული შეხედულებები და ერთად ვაკეთოთ საქმე ჩვენი ხალხის უკეთესი მომავლისათვის'' -  აღნიშნა მთავრობის თავმჯდომარემ ხულოს მოსახლეობასთან შეხვედრისას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოდესაში, რუსული სამხედრო თავდასხმის შედეგად 16 ადამიანი დაშავდა

აშშ-ს სურს ჰორმუზის სრუტისთვის ახალი კოალიციის შექმნა - The Wall Street Journal

შსს-ს გენერალური ინსპექციის უფროსმა, დავით არჩვაძემ თანამდებობა დატოვა

ბოჭორიშვილი: მოსკოვის მექანიზმი პოლიტიკური მიზნებისთვის ამოქმედებული ინსტრუმენტია