საქართველოს კულტურული მემკვიდრეობის დაცვის ეროვნული დირექტორის გენერალური დირექტორის ნიკოლოზ ანთიძის განცხადებით, თურქეთში მდებარე პარხალის ისტორიულ ძეგლს ქართული მხარის ჩართულობის გარეშე უტარდება რეაბილიტაცია.

როგორც ანთიძემ „ექსპრესნიუსს“ განუცხადა, ქართული მხარე ამ ეტაპზე დეტალების გარკვევას ცდილობს, მაგრამ საეჭვოა, ძეგლს რაიმე დაზიანება ქონდეს მიყენებული.

„სამწუხაროდ, პარხალის მონასტერის რეაბილიტაციის დაწყების ამბავი ჩვენთვის სოციალური ქსელიდან გახდა ცნობილი. რამდენჯერაც ამ ძეგლებთან დაკავშირებით თურქულ მხარესთან გვქონდა შეხვედრა, იქ არასდროს წამოწეულა პარხალის ტაძრის თემა. კულტურის სამინისტრო სამთავრობო შეთანხმების პროექტზე მუშაობს, რომლის მიხედვითაც, ერთხელ და სამუდამოდ, მთვრობებს შორის უნდა მოხდეს შეთანხმება. ეს პროცესი მალე დასრულდება და თამაშის წესები საბოლოოდ დადგინდება ორივე ქვეყნის ტერიტორიაზე არსებულ კულტურულ მემკვიდრეობაზე. შეთანხმების თანახმად,  უნდა მოდხეს  ორივე ქვეყნის დაშვება ისტორიული ძეგლების ტერიტორიაზე. ჩვენ უკვე საელჩოსთან ერთდ დავიწყეთ მუშაობა, რომ გავარკვიოთ რა მიზნით დაიწყეს პარხალის რეაბილიტაციის პროცესი და რა მიზანს ემსახურება ეს ყოველივე.  ეჭვი მეპარება, რომ იქ რაიმეს დაზიანება მოხდეს. თურქეთს თავის ტერიტორია აქვს და არ არიან ვალდებულნი ვინმეს შეუთანხმონ ისტორიული ძეგლის რეაბილიტაციის პროცესი. აქ საუბარია თანამშრომლობაზე“, - აცხადებს ანთიძე.

გუშინ სოციალურ ქსელში გავრცელდა ინფორმაცია, რომ ტაო-კლარჯეთში მდებარე პარხალის ისტორიულ ძეგლს, ქართული მხარესთან შეუთანხმებლად, სარეაბილიტაციო სამუშაოები უტარდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკი მსოფლიოში საუკეთესო ფინანსური ინოვაციების ლაბია - Global Finance

საქართველოს ბანკი, Superteam Georgia-თან პარტნიორობით, Solana-ს ყველაზე დიდი ჰაკათონის მხარდამჭერია

მამუკა მდინარაძე სამართალდამცავი ორგანოების კოორდინაციის საკითხებში სახელმწიფო მინისტრად დაინიშნა

ოცნების ხელისუფლებასთან დაახლოებულ ვისოლს უნდა რომ წვრილმანი კომპანიები მოახრჩოს