ჯეისონ ჩეფეტსი: როგორც "რესპუბლიკელების" ასევე "დემოკრატების" მხრიდან სრული მხარდაჭერა აქვს საქართველოს

2016-07-20 19:17:02, 664 ნახვა

პოლიტიკა

"როგორც "რესპუბლიკელების" ასევე "დემოკრატების" მხრიდან სრული მხარდაჭერა აქვს საქართველოს" - ამის შესახებ აშშ-ის ზედამხედველობისა და სამთავრობო რეფორმის კომიტეტის თავმჯდომარემ ჯეისონ ჩეფეტსიმ განაცხადა.

მისივე თქმით, აშშ-ის აქვს სურვილი საქართველოს დახმარება გაუწიოს და კიდევ ერთხელ ქვეყნის დამოუკიდებლობას უჭერს მხარს.

"ვიცით, რომ წინ მნიშვნელოვანი არჩევნებია. დარწმუნებული ვართ, რომ საქართველო ყველაფერს გააკეთებს იმისთვის, რომ ეს იყოს ღია და სამართლიანი არჩევნები, რომ მთელმა მსოფლიომ ირწმუნოს ამ არჩევნების შედეგები. მინდა დავარწმუნო საქართველოს მოსახლეობა, რომ აშშ-ში არსებობს, როგორც "რესპუბლიკელების" მხრიდან ასევე "დემოკრატების" მხრიდან სრული მხარდაჭერა, როგორც კონგრესში ასევე ამერიკელ მოსახლეობაში. აშშ-ი მზად არის საქართველოს დახმარება გაუწიოს ყველა ასპექტში", - განაცხადა ჩეფეტსმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან