საქართველოს თავდაცვის მინისტრის მოადგილე ბესიკ ლოლაძე გაეროს ქალთა ორგანიზაციის წარმომადგენელს საქართველოში ერიკა კვაპილოვას შეხვდა. შეხვედრა გენდერულ საკითხებს დაეთმო. განსაკუთრებული ყურადღება გამახვილდა გენდერული თანასწორობის განმტკიცებისა და გაეროს უშიშროების საბჭოს #1325 და თანმდევი რეზოლუციების განხორციელების საქმეში თავდაცვის სამინისტროს მიერ განცდილ პროგრესზე.

მინისტრის მოადგილემ გაეროს ქალთა ორგანიზაციას მხარდაჭერისა და თანამშრომლობისთვის მადლობა გადაუხადა. მხარეები სამომავლო თანამშრომლობის გეგმაზე შეთანხმდნენ, რომელიც ურთიერთგაგების მემორანდუმში აისახება.

ერიკა კვაპილოვას განცხადებით, გაეროს ქალთა ორგანიზაცია თავდაცვის სამინისტროში კვლავ გააგრძელებს გენდერული არქიტექტურის და ინსტიტუციური შესაძლებლობების განვითარების მხარდაჭერას, რაც სისტემური ტრეინინგების და სასწავლო სახელმძღვანელობის შემუშავებაში გამოიხატება.

ამასთანავე, გაგრძელდება მუშაობა სამინისტროს სისტემაში გენდერულ ნიადაგზე გასაჩივრების ეფექტიანი მექანიზმების შექმნისა და საერთაშორისო სამშვიდობო მისიებში გადასროლისწინა მომზადების პროცესში გაეროს შესაბამისი რეზოლუციების სწავლებების გაფართოების შესახებ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სომხეთში მიმდინარე საპარლამენტო არჩევნებში ყოველთა სომეხთა კათოლიკოსმა ხმა მისცა

შინაგან საქმეთა სამინისტრო: გორში მომხდარ ცემაში მონაწილე პოლიციელები საქართველოდან არ წასულან.

გავრილოვის ღამის წლისთავთან დაკავშირებით, თბილისში საპროტესტო მსვლელობა გაიმართება

კანადის მოქალაქეს ყურადღების დეფიციტისა და ჰიპერაქტიურობის სამკურნალო პრეპარატის მიღების გამო 20 წლამდე თავისუფლების აღკვეთა ემუქრება