საწყისი საბრძოლო მომზადების ცენტრის 120-მა რეკრუტმა, რომლებიც დროებით ახალციხის სატანკო ბაზაზეა არიან განთავსებულნი, კულტურული ტურის ფარგლებში ხერთვისის ციხე-სიმაგრე და ვარძიის კლდეში ნაკვეთი კომპლექსი დაათვალიერეს. ისტორიული მემკვიდრეობის დათვალიერების პარალელურად, რეკრუტებმა ხერთვისის ციხე-სიმაგრე დაასუფთავეს.

საწყისი საბრძოლო მომზადების ცენტრის მეთაურის, პოლკოვნიკ მამუკა ქავთარაძის განცხადებით, კულტურული ღონისძიებების მთავარი მიზანი ჯარის საზოგადოებასთან ინტეგრირება და სამხედროებისთვის ქვეყნის ისტორიული მემკვიდრეობის გაცნობაა.

„ბევრი რეკრუტი საქართველოს სხვადასხვა რეგიონიდანაა და მათ ხშირად არ აქვთ საშუალება, მოინახულონ ჩვენი ქვეყნის ისტორიული ძეგლები. საწყისი საბრძოლო მომზადების ცენტრი ცდილობს, სამხედრო ცხოვრების პარალელურად დაგეგმოს და სისტემატურად განახორციელოს კულტურული ტურები, რაც ხელს უწყობს ჯარისკაცის კულტურულ-შემეცნებითი დონის ამაღლებას და მათ სამოქალაქო აქტივობას“,- განაცხადა პოლკოვნიკმა მამუკა ქავთარაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სომხეთში მიმდინარე საპარლამენტო არჩევნებში ყოველთა სომეხთა კათოლიკოსმა ხმა მისცა

შინაგან საქმეთა სამინისტრო: გორში მომხდარ ცემაში მონაწილე პოლიციელები საქართველოდან არ წასულან.

გავრილოვის ღამის წლისთავთან დაკავშირებით, თბილისში საპროტესტო მსვლელობა გაიმართება

კანადის მოქალაქეს ყურადღების დეფიციტისა და ჰიპერაქტიურობის სამკურნალო პრეპარატის მიღების გამო 20 წლამდე თავისუფლების აღკვეთა ემუქრება