პრეზიდენტი: ვამუშავებთ სტრატეგიას, თუ როგორ გავხადოთ მსოფლიო და საქართველო უფრო უსაფრთხო ადგილი

2016-07-08 17:10:46, 512 ნახვა

პოლიტიკა

"აქ ვართ მეგობრებთან ერთად და ვამუშავებთ სტრატეგიას, თუ როგორ გავხადოთ მსოფლიო, შავი ზღვა და საქართველო უფრო უსაფრთხო ადგილი", - ამის შესახებ საქართველოს პრეზიდენტმა გიორგი მარგველაშვილმა სამიტზე შესვლამდე განაცხადა.

პრეზიდენტის ადმინისტრაციის პრესსამსახურის ინფორმაციით, NATO-ს გენერალური მდივნის და პოლონეთის რესპუბლიკის პრეზიდენტის მისალმების ოფიციალური ცერემონია, გაიმართება, რის შემდეგაც დელეგაციის ხელმძღვანელები ერთობლივ ფოტოს გადაიღებენ.

ვარშავის სამიტის ფარგლებში, დღეს პირველად გაიმართება NATO -საქართველოს კომისიის სხდომა საგარეო საქმეთა მინისტრების დონეზე, რომელშიც მონაწილეობას საქართველოს საგარეო საქმეთა მინისტრი მიხეილ ჯანელიძე მიიღებს.

პრეზიდენტი დღეს, სამიტის ფარგლებში, ბელგიის პრემიერ-მინისტრს შეხვდება.

ასევე დაგეგმილია საქართველოს საგარეო საქმეთა მინისტრის შეხვედრა ნიდერლანდების და საფრანგეთის საგარეო საქმეთა მინისტრებთან და თავდაცვის მინისტრის შეხვედრა აშშ-ს თავდაცვის მდივნის თანაშემწესთან.

საქართველოს პრეზიდენტი დღის ბოლოს სამუშაო სადილს დაესწრება, რომელიც NATO -ს პარტნიორი ქვეყნების დელეგაციათა ხელმძღვანელების პატივსაცემად გაიმართება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან