ნატო-სა და ევროკავშირის უსაფრთხოება ურთიერთდამოკიდებულია, ჩვენ უპრეცენდენტო გამოწვევების წინაშე ვდგავართ. არც ნატოს და არც ევროკავშირს ცალცალკე არ შეუძლიათ ამ საფრთხეებზე რეაგირება, - ამის შესახებ ნატო-ს გენერალურმა მდივანმა, იენს სტოლტენბერგმა განაცხადა.

სტოლტენბერგის განმარტებით, ნატო და ევროკავშირი კარგი გუნდია, რომელსაც აქვს მოქალაქეების დასაცვად და სამეზობლოში სტაბილურობის უზრუნველსაყოფად საჭირო ინსტრუმენტები.

მისივე თქმით, ერთიანობა და თანამშრომლება ნატო-სა და ევროკავშირს, როგორც არასდროს, მნიშვნელოვანია.

„ამ გაურკვევლობის პერიდოში ჩვენი პარტნიორობა განსაკუთრებულია. ჩვენ ერთოლბლივი პოზიცია გვაქვს რუსეთთან დაკავშირებით. ევროკავშირმა დააწესა ეკონომიკური სანქციები, ნატო-ს კოლექტიური თავდაცვა “ცივი ომის“ დასრულების შემდეგ ყველაზე მეტად არის გაძლიერებული. მიმდინარე წლის დასაწყისიდან ნატო-სა და ევროკავშირს შორის ორ მნიშვნელოვანი შეთანხმება გაფორმდა - ეგეოსის ზღვისა და კიბერუსაფრთხოების სფეროში თანამშრომლობის შესახებ. ბოლო ექვსი თვის განმავლობაში ჩვენს შორის უფრო მეტი ფორმალური შეთახნმება შედგა, ვიდრე ბოლო 14 წლის განმავლობაში. მეტყველებს, რომ ნატო-სა და ევროკავშირს შორის თანამშრომლობაში პროგრესია. ახლა დროა, ჩვენი თანამშრომლობა კიდევ ახალ, უფრო მაღალ დონეზე ავიყვანოთ“, - აღნიშნა ნატო-ს გენერალურმა მდივანმა.

შეგახსენებთ, რომ ნატო-ს გენერალურმა მდივანმა, ევროკავშირის საბჭოს პრეზიდენტმა და ევროკომისიის პრეზიდენტმა თანამშრომლობის შესახებ ერთობლივ დეკალარაციას მოაწერეს ხელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფორმულა 1-ის ყოფილი მრბოლელი და სამგზის პარაოლიმპიური ჩემპიონი ალესანდრო ზანარდი გარდაიცვალა

მარჯანიშვილის თეატრიდან მსახიობი ირაკლი ჩოლოყაშვილი და ეკა ნიჟარაძე გაუშვეს

აშშ ევროპას აფრთხილებს იარაღის მიწოდების შეფერხების შესახებ, რაც გამოწვეულია მარაგების ამოწურვით

აშშ გერმანიიდან 5000 ჯარისკაცს გაიყვანს