ბაღდადში მომხდარი ტერაქტის შედეგად დაღუპულთა რიცხვი 250-მდე გაიზარდა

2016-07-06 11:53:04, 1449 ნახვა

მსოფლიო

ბაღდადში 3 ივლისს მომხდარი ტერაქტის მსხვერპლთა რიცხვმა 250-ს მიაღწია, - ამის შესახებ CBC ერაყის ხელისუფლებაზე დაყრდნობით იუწყება.

მედია საშუალების ინფორმაციით, დანაღმული სატვირთო მანქანა ერაყის დედაქალაქის ცენტრში, ხალხმრავალ სავაჭრო რაიონში, ელ-ქარადაში აფეთქდა. მალევე მეორე აფეთქება ბაღდადის ჩრდილოეთ ნაწილში მოხდა.

ტერაქტზე პასუხისმგებლობა “ისლამურმა სახელმწიფომ” აიღო.

ცნობისთვის, თავდასხმის შემდეგ ერაყში სამდღიანი გლოვა გამოცხადდა.

როგორც მედია საშუალება წერს, აფეთქებები ერაყის სამთავრობო ძალების მიერ ქალაქ ფალუჯას ისლამისტებისგან გათავისუფელბიდან ერთ კვირაში მოხდა.

3 ივლისს განხორციელებული თავდასხმა ერაყში 2003 წლიდან ყველაზე სისხლიანი ტერაქტი გახდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან