საქართველოს საგარეო საქმეთა მინისტრის მიხეილ ჯანელიძის შეხვედრა გაიმართა ეუთო-ში ლატვიის რესპუბლიკის, ყოფილი იუგოსლავიის რესპუბლიკის მაკედონიის, ფინეთის რესპუბლიკის, ავსტრიის რესპუბლიკის, ბულგარეთის რესპუბლიკის, შვედეთის სამეფოს მუდმივ წარმომადგენლებთან და ეუთო-ს საპარლამენტო ასამბლეის სპეციალურ წარმომადგენელთან ვენაში. 

შეხვედრაზე განხილული იქნა ეუთო-საქართველოს თანამშრომლობის საკითხები. საგარეო საქმეთა მინისტრმა სტუმრებს მიაწოდა ინფორმაცია საქართველოს ოკუპირებულ ტერიტორიებზე უსაფრთხოების და ადამიანის უფლებების კუთხით არსებულ მძიმე მდგომარეობაზე. საუბარი შეეხო ჟენევის საერთაშორისო მოლაპარაკებების პროცესს და ხაზი გაესვა საქართველო-რუსეთის კონფლიქტის მშვიდობიანი გზით მოგვარების აუცილებლობას. აქვე, აღინიშნა ეუთო-ს საპარლამენტო ასამბლეის 25-ე სესიის ფარგლებში ქართული მხარის მიერ ინიცირებული რეზოლუციის „კონფლიქტი საქართველოში" მიღების მნიშვნელობა.

მიხეილ ჯანელიძემ უცხოელ კოლეგებთან ასევე ისაუბრა მ.წ. ოქტომბერში დაგეგმილ საპარლამენტო არჩევნებზე და ხაზი გაუსვა არჩევნების სამართლიანად და გამჭვირვალედ ჩატარების მნიშვნელობას საქართველოს დემოკრატიზაციის პროცესში.

ეუთო-ს ელჩების მხრიდან შეხვედრაზე კიდევ ერთხელ დაფიქსირდა საქართველოსადმი მხარდაჭერა და გამოითქვა მზადყოფნა ეუთო-ს ფორმატში შემდგომში თანამშრომლობის გაძლიერებაზე.
აღსანიშნავია, რომ ეუთო-ს ელჩები საქართველოში ოფიციალური ვიზიტით იმყოფებიან ეუთო-ს საპარლამენტო ასამბლეის 25-ე სესიაზე დასასწრებად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პერმს ტუაფსეს მსგავსი ეკოლოგიური კატასტროფა ელის

ზურაბიშვილი რეჟიმის მიერ ვენახის გაშენების აკრძალვაზე - დავბრუნდით შაჰ-აბასისა თუ საბჭოთა დროს

რუსეთის მიერ უკრაინაში დადასტურებულმა დანაკარგებმა 216 000 ადამიანს გადააჭარბა.

კრემლის ჩინეთის გავლით ტექნოლოგიების იმპორტზე დამოკიდებულებამ 90%-ს მიაღწია.