საქართველოს შეიარაღებული ძალების გენერალური შტაბის უფროსმა, გენერალ-მაიორმა ვახტანგ კაპანაძემ საქართველოში თურქეთის საელჩოში გახსნილ სამძიმრის წიგნში ჩანაწერი დატოვა.

თავდაცვის სამინისტროს ინფორმაციით,  გენერალ-მაიორმა ვახტანგ კაპანაძემ თურქ ხალხს 28 ივნისს სტამბოლის ათათურქის სახელობის საერთაშორისო აეროპორტში მომხდარი ტერორისტული აქტის შედეგად უდანაშაულო ადამიანების დაღუპვის გამო მიუსამძიმრა.

„ქართველი ხალხი თურქი ხალხის გვერდით დგას და შეიარაღებული ძალებისა და პირადად ჩემი სახელით ვუსამძიმრებ მათ. ეს ამაზრზენი ქმედება არ არის მიმართული მხოლოდ თურქი ხალხის წინააღმდეგ, არც სტამბოლის აეროპორტი იყო შემთხვევით შერჩეული, ეს იყო მიმართული მთელი მსოფლიოს წინააღმდეგ. დარწმუნებული ვარ, რომ ეს აქტი იქნება გამოსაფხიზლებელი ნიშანი მთელი მსოფლიოსთვის“, - აღნიშნა შეიარაღებული ძალების გენერალური შტაბის უფროსმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის რეჟიმმა გადაწყვიტა, 9 მაისამდე მოსკოვში ყველა მობილური კომუნიკაცია ჩაახშოს

მეტროსადგურ ისანში კაცი ლიანდაგებში ჩავარდა

რუსეთის ინტერესთა სექცია: დავასუფთავეთ კუკიის სასაფლაოზე მდებარე სამამულო ომის მემორიალი

ზურაბიშვილი პარტიების აკრძალვაზე: ოცნებას კონკურენციის და დემოკრატიის უნარი არ გააჩნია