საფრანგეთის პრეზიდენტის ფრანსუა ოლანდის განცხადებით, ევროკავშირიდან დიდი ბრიტანეთის გასვლის პროცედურა მალე დაიწყება, - ამის შესახებ France24 იუწყება.

ოლანდის თქმით, დიდ ბრიტანეთში ჩატარებული რეფერენდუმი ევროპისთვის გამოცდა იყო.

“ბრიტანელმა ხალხმა რეფერენდუმის გზით ევროკავშირის დატოვება გადაწყვიტა. ეს მტკივნეული არჩევანია. მე ვწუხვარ გაერთიანებული სამეფოსა და მთელი ბრიტანეთისთვის. თუმცა ეს მათი არჩევანია, ჩვენ მას პატივი უნდა ვცეთ და შედეგები გავითვალისწინოთ. გაერთიანებული სამეფო ევროკავშირის წევრი აღარ იქნება. ხელშეკრულებებით გათვალისწინებული პროცედურა მალე დაიწყება. ბრიტანელი ხალხის არჩევანი ევროპისთვის რთული გამოცდა იყო”, - განაცხადა ფრანსუა ოლანდმა.

საფრანგეთის პრეზიდენტის თქმით, ევროპამ ახლა სიძლიერე და უნარი უნდა აჩვენოს, რათა ეკონომიკურ და ფინანსურ რისკებს გაუმკლავდეს, რომლებიც შესაძლოა დიდი ბრიტანეთის გასვლამ გამოიწვიოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში თავდაცვის მინისტრ ფედოროვის გადადგომის გამო საპროტესტო აქციები მიმდინარეობს

ზელენსკიმ ახსნა, თუ რატომ გადაწყვიტა ფედოროვის შეცვლა: პრობლემები არსებობს და ერთიანობა არ არსებობს

მიხეილ სააკაშვილი: რიყის თეატრი თქვენი მემკვიდრეობაა, რომელსაც ახლა ხალხს ართმევენ

გეგელია: კრემლი ღიად აქებს „ოცნების“ მთავრობას მეასედ