აფხაზეთის ე.წ სასამართლომ ოთხოზორიას მკვლელობაში ეჭვმიტანილს შინა პატიმრობა მიუსაჯა

2016-06-23 17:28:47, 1096 ნახვა

სამართალი

გიგა ოთხოზორიას მკვლელობაში ეჭვმიტანილ რაშიდ კანჯი-ოღლუს ოკუპირებული აფხაზეთის დე-ფაქტო სამხედრო სასამართლომ შინა პატიმრობა მიუსაჯა. "სპუტნიკ აბხაზიას" ცნობით, დე-ფაქტო აფხაზეთის სამხედრო სასამართლომ არ დააკმაყოფილა ადგილობრივი სამხედრო პროკურატურის მოთხოვნა გიგა ოთხოზორიას მკვლელობაში ბრალდებულ რაშიდ კანჯი ოღლისთვის წინასწარი პატიმრობის შეფარდების შესახებ.

აფხაზეთის ე.წ პროკურორმა ადრუგა აგრბამ განაცხადა, რომ პატიმრობის შესახებ მოთხოვნა დე-ფაქტო სამხედრო პროკურატურამ სასამართლოს შუამდგომლობის სახით წარუდგინა, მაგრამ სასამართლომ იგი არ გაითვალისწინა.

აფხაზეთის ე.წ ადმინისტრაციულ საძღვართან. 14:45 საათზე, ზუგდიდის მუნიციპალიტეტის სოფელ ხურჩაში, გალის რაიონის სოფელ ნაბაკევიდან საქართველოს მიერ კონტროლირებად ტერიტორიაზე გადმოსულმა აფხაზმა მებაჟემ, ტყვარჩელის რაიონის მკვიდრმა, რაშიდ კანჯი-ოღლიმ ცეცხლსასროლი იარაღიდან გასროლით მოკლა გალის რაიონის მკვიდრი, 1985 წელს დაბადებული გიგა ზურაბის ძე ოთხოზორია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან