“თიანელი ახალგაზრდები ჯანსაღი ცხოვრებისთვის” - ამ სახელწოდებით დაბა თიანეთში მარათონი გაიმართა, რომელიც იუსტიციის სამინისტროს სსიპ „დანაშაულის პრევენციის ცენტრმა“ ადგილობირივი მუნიციპალიტეტის ხელშეწყობით ჩაატარა.

ცენტრის ინფორმაციით, პროექტი საქართველოში აშშ-ს საელჩოს დემოკრატიის ხელშეწყობის პროგრამის ფარგლებშია დაფინანსებული.

მარათონს სსიპ „დანაშაულის პრევენციის ცენტრის“ დირექტორი ირაკლი ხელაძე და ადგილობირივი მუნიციპალიტეტის წარმომადგენლები დაესწრნენ.

ღონისძიებაში  თიანეთის მუნიციპალიტეტის საჯარო სკოლებიდან 14-დან 18 წლამდე ასაკის 70-მდე მოხალისე მონაწილეობდა. ახალგაზრდებმა სტარტი აიღეს სოფ. ზარიძეების საჯარო სკოლის მიმდებარე ტერიტორიიდან. რბენა დაბა თიანეთის კულტურისა და დასვენების პარკში დასრულდა. მარათონში პირველი ადგილი დაიკავა გიორგი ღვინიაშვილმა, მეორე და მესამე ადგილები კი გიორგი ცალუღელაშვილსა და ილია კახოშვილს ერგოთ.

გამარჯვებულები შესაბამისი მედლებით და სერტიფიკატებით დაჯილდოვდნენ.  გიორგი ღვინიაშვილს და პროექტების ყველაზე აქტიურ მონაწილე ქეთი კაცელაშვილს სსიპ „დანაშაულის პრევენციის ცენტრისგან“ ანაკლიის „მომავლის ბანაკის“ საგზურები გადაეცათ. პროექტის ყველა მონაწილე თიანეთის მუნიციპალიტეტის საკრებულოსგან უფასო ექსკურსიით დასაჩუქრდა.

აღსანიშნავია, რომ მარათონის იდეა  თიანეთის მუნიციპალიტეტის სოფელ ტუშურების სკოლის მოსწავლეებს ეკუთვნით, რომელიც “იდეიდან ცვლილებამდე“ პროექტის ფარგლებში შეიქმნა. მისი მიზანი მაღალმთიან რეგიონებში მცხოვრები ახალგაზრდებში სამოქალაქო ჩართულობისა და მოხალისეობრივი კულტურის განვითარების ხელშეწყობა, ცხოვრების ჯანსაღი წესის პოპულარიზაციაა.

იუსტიციის სამინისტროს სსიპ „დანაშაულის პრევენციის ცენტრი" სხვადასხვა ახალგაზრდულ პროგრამას ახორციელებს. პროექტი „იდეიდან ცვლილებამდე“ ასევე რამდენიმე რეგიონში მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი

კობახიძიე ისევ აკრიტიკებს გერმანიას და ევროპაში ყველაზე ძლიერ ქვეყანას კომიკურს უწოდებს