საქართველოს იუსტიციის სამინისტროს სსიპ „დანაშაულის პრევენციის ცენტრის“ საფეხბურთო გუნდმა ბიზნეს ჩემპიონთა ლიგის სუპერლიგა B-ს ფინალში "ჯორჯიან მანგანეზ ჭიათურა"  ანგარიშით 4:1 დაამარცხა. ფინალურ დაპირისპირებას იუსტიციის მინისტრი თეა წულუკაინი დაესწრო.

სსიპ „დანაშაულის პრევენციის ცენტრმა“ ტურნირის  რეგულარული სეზონი წარმატებით დაასრულა. გუნდმა 18 ქულით სუპერლიგა B-ს სატურნირო ცხრილში პირველი ადგილი დაიკავა, რომლის შემდეგ ფლეი ოფის ყველა ეტაპზე იმარჯვა და ფინალში თამაშის უფლებაც მოიპოვა. ტურნირს მთელი სეზონის განმავლობაში ახალი სპორტის სასახლე მასპინძლობდა. მასში სახელმწიფო, კომერციული და სასწავლო ორგანიზაციები ასპარეზობდნენ. იუსტიციის სამინისტროს სსიპ „დანაშაულის პრევენციის ცენტრის“ დირექტორის ირაკლი ხელაძის განცხადებით, ტურნირის განმავლობაში ყოველი გამარჯვებიდან შემოსული თანხა „ყოფილ პატიმართა რეაბილიტაციისა და რესოციალიზაციის პროგრამის“ ბენეფიციარების საჭიროებებს მოხმარდება.

ცნობისთვის, სსიპ „დანაშაულის პრევენციის ცენტრი“ ამ ტურნირის პრიზიორი ერთხელ უკვე იყო. 2013-2014 სეზონის ბიზნესის ჩემპიონთა ლიგაზე თასის მფლობელი გახდა.

რეაბილიტაციისა და რესოციალიზაციის პროგრამა იუსტიციის მინისტრის ინიციატივით 2012 წლის ბოლოს შეიქმნა. მას სსიპ „დანაშაულის პრევენციის ცენტრი“ ახორციელებს. პროგრამის მიზანი სასჯელაღსრულების დაწესებულებებიდან გათავისუფლებული იმ პირების რეაბილიტაციის ხელშეწყობაა, რომლებიც არ არიან პრობაციონერები და ამიტომ კიდევ მეტად ჭირდებათ სახელმწიფოს დახმარება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი

კობახიძიე ისევ აკრიტიკებს გერმანიას და ევროპაში ყველაზე ძლიერ ქვეყანას კომიკურს უწოდებს