2016-06-15 17:18:59, 611 ნახვა

---

მერკელი: ნატო-სთან დაკავშირებით კარგი გადაწყვეტილება ვიპოვეთ, საქართველოსთვის სპეციალურ პაკეტს შევქმნით

ნატო-სთან დაკავშირებით ვიპოვეთ კარგი გადაწყვეტილება, რომელიც საქართველოსთვის სპეციალური პაკეტის შექმნას გულისხმობს, - ამის შესახებ გერმანიის კანცლერმა, ანგელა მერკელმა განაცხადა.

როგორც მერკელმა აღნიშნა, გერმანია საქართველოსთან ავღანეთთან დაკავშირებით კარგად თანამშრომლობს.

„რაც შეეხება ნატო-ს, ვიპოვეთ კარგი გადაწყვტილება - პაკეტი, რომელიც საქართველოსთვის შევქმენით. ჩვენ გიორგისთან, საქართველოსთან მშვენივრად ვთანამშრომლობთ ავღანეთთან დაკავშირებით. ვარშავაშიც ჩვენ ვილაპარაკებთ იმაზე, რა დამატებითი საშუალებები არსებობს პაკეტის  „ნატო ჯორჯიან საბსენთენშენის“ ფარგლებში საქართველოსთან თანამშრომლობის  კუთხით. ამით კარგი საფუძველი შევქმენით ნატო-საქართველოს თანამშრომლობისთვის“, - განაცხადა მერკელმა.

ცნობისთვის, აღნიშნული განცხადება გერმანიის კანცლერმა ბერლინში საქართველოს პრემიერ-მინისტრთან ერთად გამართულ პრესკონფერენციაზე გააკეთა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი