2016-06-10 00:21:53, 619 ნახვა
საზოგადოება
კანდელაკზე 3 ავტომანქანის შეჯახების შედეგად დაიღუპა 1 და დაშავდა 5 ადამიანი, მათ შორის მცირეწლოვანი
თბილისში, კანდელაკის ქუჩაზე სამი ავტომანქანა ერთმანეთს შეეჯახა. ავტოავარიის შედეგად დაიღუპა ახალგაზრდა მამაკაცი და დაშავდა ხუთი ადამიანი, მათ შორის ერთი ბავშვი.
დაშავებულები სასწრაფო-სამედიცინო დახმარების ბრიგადამ სხეულის დაზიანებებით თბილისის სხვადასხვა სამედიცინო დაწესებულებებში გადაიყვანა.
როგორც შსს-ში აცხადებენ, მომხდართან დაკავშირებით გამოძიება 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
