ცნობილი ლიტველი იუმორისტი, ტელე წამყვანი და მსახიობი ოლეგ შურაევი აჭარაში მოგზაურობს და თავისი გადაცემისთვის სპეციალურ ვიდეო რგოლებს ამზადებს.

აჭარის ტურიზმის დეპარტამენტის ინფორმაციით, მსახიობი რეგიონს აჭარის ტურიზმის დეპარტამენტის მიერ ლიტვაში ჩატარებული პიარ კამპანიების ფარგლებში სტუმრობს. მსახიობმა გადამღებ ჯგუფთან ერთად აჭარაში იმოგზაურა და რეგიონის ღირსშესანიშნაობები დაათვალიერა.

მათივე ცნობით, ცნობილი ლიტველი მსახიობი მაყურებელს რეგიონის ტურისტულ პროდუქტებზე, აჭარაში დასვენების უპირატესობებზე და რეგიონში დასვენებისას თავის გამოცდილებაზე მოუყვება. გადაცემაში ასევე მოხვდება ქართული სადღეგრძელოებისა და სუფრის ტრადიციაც. აჭარის შესახებ მომზადებული გადაცემები ლიტვაში წამყვანი ტელეარხის TV3- ის ეთერში ივნისში გავა.აჭარის ტურიზმის დეპარტამენტი ლიტვაში სარეკლამო კამპანიებს 2013 წლიდან ანხორციელებს.

წელს პიარ და მარკეტინგული კამპანიების წარმოებისას განსაკუთრებული აქცენტი ლიტვადან აჭარაში ცნობილი ტელეარხების გადაცემების გადამღები ჯგუფების, ჟურნალისტებისა და ცნობილი სახეების მოწვევაზე კეთდება. მაისის ბოლოს ლიტვაში ასევე გაიმართა ორდღიანი აჭარის დღეები, რომელიც როგორც სხვა პიარ აქტივობები აჭარის ტურისტული პოტენციალის, მისი არამატერიალური კულტურული მემკვიდრეობის პოპულარიზაციასა და რეგიონში ტურისტების მოზიდვას ემსახურებოდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ