საქართველოს ყოფილი პრემიერ-მინისტრი ბიძინა ივანიშვილი "რუსთავი 2"-თან დაკავშირებით, საქართველოში ამერიკის შეერთებული შტატების ელჩის, იან კელის წერილს გამოეხმაურა.

როგორც ივანიშვილმა ტელეკომპანიების წარმომადგენლებთან შეხვედრაზე განაცხადა,  ელჩის პოზიციას იზიარებს, თუმცა არის საკითხი, რაზეც მას არ ეთანხმება.

კერძოდ, ივანიშვილის თქმით, სწორია შეფასება, რომ არჩევნებამდე ცოტა ხნით ადრე, ტელეკომპანიაში მენეჯმენტის შეცვლა არასასურველია, თუმცა არ ფიქრობს, რომ ამ შემთხვევაში საქართველოში ქუჩები  ხალხით გაივსება:

"ელჩის წერილთან მიმართებაში ბევრი გამონათქვამი არ მომეწონა.  იწყებს გვარამიას კრიტიკით, რომ ასე არ უნდა იქცეოდეს, შემდეგ იყენებს ამერიკას, რომ იქ რომ ეს მოხდეს, არჩევნების ამ პროცესში ქუჩები გაივსება ხალხით. ამერიკა ჩვენი სტრატეგიული მეგობარია და საკუთარი ქვეყანა მოყავს ანალიზისთვის- "ალბათ, საქართველოშიც იგივე შეიძლება განმეორდეს".

გუშინაც მქონდა პოლემიკა და რაღაცებში არ ვეთანხმები. მას ძალიან სურს,  რომ ჩვენი ქვეყანა სწორი მიმართულებით  განვითარდეს. ის ძალიან გამოცდილი ელჩია, წინაც ასეთი იყო, ცდილობენ, რომ ჩვენი ქვეყანა  კარგად წარმოჩნდეს ამ არჩევნებით და შფოთავს იან კელი, რომ რაიმე ისეთი არ მოხდეს,  რაც დამღას,  ან ცუდ ეფექტს მისცემს  იმ არჩევნებს,  რომლისთვისაც მააქსიმალური მხარდაჭერა გვაქვს ამერიკიდან.  რაშიც ვერ ვეთანხმებით ისაა, რომ ქუჩები ხალხით ვერ გაივსება აქ იმიტომ, რომ სხვა რეალობაა და სხვანაირი წარმოდგენა აქვთ ამ ტელევიზიასთან საქართველოს მოსახლეობას. ვინც გამოსულა გამოვა ისევ, მაგრამ გარეთ, უცხოეთში, მივიღებთ ცუდ შედეგს. "ნაციონალურმა მოძრაობამ", განსაკუთრებით გარეთ  სიცრუის მანქანა კარგად ამუშავა", - განაცხადა ბიძინა ივანიშვილმა.

სააპელაციო სასამართლოში "რუსთავი2"-ის საქმეზე პროცესი ამ წუთებშიც მიმდიანრეობს. ტელეკომპანიის  საჩივარი  თბილისის საქალაქო სასამართლოს მოსამართლე თამაზ ურთმელიძის 2015 წლის 3 ნოემბრის გადაწყვეტილებას ეხება,  რომლითაც ტელეკომპანიის  წილის 100%  ბიზნესმენ ქიბარ ხალვაშს გადაეცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-ში მდინარაძის ყოფილი მოადგილე ფინანსთა სამინისტროს საგამოძიებო სამსახურის უხელმძღვანელებს

10-ჯერ მეტი MR ქულა მაისში - „თეგეტა მოტორსში“ AmEx ბარათით გადახდა უკვე შესაძლებელია

კალაძე აშშ-სთან ურთიერთობის გადატვირთვაზე: კობახიძეს რუბიოსთან სატელეფონო საუბარი ჰქონდა, მაისში დელეგაციასაც ველოდებით, პოზიტიური მოლოდინები გვაქვს

ქუთაისში დაჭრილი კაცი კლინიკაში გარდაიცვალა, ორი პირი დააკავეს