ყოფილი პრემიერ-მინისტრი ბიძინა ივანიშვილი "ქართული ოცნების" მმართველობის პერიოდში საქართველოში მიღწეულ მედიისა და სიტყვის თავისუფლებაზე აკეთებს აქცენტს.

როგორც ივანიშვილმა ტელეკომპანიების წარმომადგენლებთან შეხვედრაზე განაცხადა, "ნაციონალური მოძრაობის" ხელისუფლებაში ყოფნის დროს, საზოგადოებას  ტელევიზიების მეშვეობით,  ვირტუალურ სამყაროში აცხოვრებდნენ:

"ვირტუალურ სამყაროს გვიხატავდნენ ყველა ტელევიზიიდან, ხან სახურავიდან, ხან მღვიმეებიდან გვესაუბრებოდა, გვეუბნებოდა, რომ ყველაფერი კარგად მიდის, საოცარი აღმშენებლობა  მიდის, ნაცვლად იმისა, რომ ეკონოიკური წარმატების მხრივ,  რეგიონთან გაეკეთებინა შედარება, რაშიც პირველები არასოდეს არ ვყოფილვართ. დავით აღმაშენებელს ედრებოდა, წარმოგიდგენიათ ახლა როგორი თავხდეობაა?! ჯერ ვთქვათ ყველაზე წარმატებულ პრეზიდენტს გაბედო და შეადარო და მერე როგორი უმეცრებაა, როგორ შეიძლება დღევანდელი ეკონომიკა და მშენებლობის ტემპები შეადარო მე-11, მე-12 საუკინასას?! მაგრამ სხვას რომ ვერაფერს ეძებდა, ეს კარგი მაგალითია იმისა, თუ როგორ გაებრუებია საზოგადოება. ყველა ტელევიზიიდან,  იშვიათი გამონაკლისის გარდა, ვირტულურ სამყაროს გვიხატავდნენ.საზოგადოების ნაწილის დამორჩილებას თუ ვერ ახერხებდა, ციხეები გავსებული იყო. ცემდნენ, აწამებდნენ და კლავდნენ კიდეც.  ამ მეთოდით ცდილობდნენ, შეენარჩუნებინათ ხელისუფლება. "ნაციონალური მოძრაობა" ყველაზე კარგად სარგებლობს დღევანდელი სიტყვის თავისუფლებით. პირველი ეტაპი დაიძაბნენ, პირველი თვეები, ეშინოდათ მსგავსი არაფერი მოხმდარიყო და თავჩაღუნულები დადიოდნენ. კარგად ჩანდა ეს პარლამენტში აღმიწერეს, წყლის დასალევად ვერ ამოდიოდნენ ზემოთ, ისეთი შეშინებულები იყვნენ",-განაცხადა ბიძინა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-ში მდინარაძის ყოფილი მოადგილე ფინანსთა სამინისტროს საგამოძიებო სამსახურის უხელმძღვანელებს

10-ჯერ მეტი MR ქულა მაისში - „თეგეტა მოტორსში“ AmEx ბარათით გადახდა უკვე შესაძლებელია

კალაძე აშშ-სთან ურთიერთობის გადატვირთვაზე: კობახიძეს რუბიოსთან სატელეფონო საუბარი ჰქონდა, მაისში დელეგაციასაც ველოდებით, პოზიტიური მოლოდინები გვაქვს

ქუთაისში დაჭრილი კაცი კლინიკაში გარდაიცვალა, ორი პირი დააკავეს