ვაშაძე: სააკაშვილმა ბევრი გააკეთა, მაგრამ ვერ შეძლო პარტიის შექმნა, სადაც თავისუფლება იქნებოდა

2016-06-05 15:55:43, 621 ნახვა

პოლიტიკა

„სააკაშვილმა ძალიან ბევრი გააკეთა საქართველოსთვის, მაგრამ ვერ შეძლო ისეთი პოლიტიკური პარტიის შექმნა, სადაც იქნებოდა თავისუფლება და არ იქნებოდა კულუარული გადაწყვტილებები“,-ამის შესახებ სამოქალაქო პლატფორმა „ახალი საქართველოს“ ლიდერმა გიორგი ვაშაძემ პარლამენტის შენობის წინ ორგანიზაციის დაფუძნების ღონისძიებაზე განაცხადა.

მისივე თქმით, "„ქართული ოცნება“ არის ერთი ჯიბის პარტია, რომელიც ძალიან დიდ პრობლემებს ქმნის".

„რადგან არ არიან ისინი ანგარიშვალდებულნი ხალხის მიმართ, ისინი ანგარიშვალდებულნი არიან ერთი ადამიანის მიმართ. მიუხედავად იმისა, რომ საქართველომ 25 წელია დამოუკიდებლობა მოიპოვა, ქვეყანაში კომუნისტური პარტიების სისტემაა“,-განაცხადა ვაშაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან