ლიტვის დედაქალაქში აჭარის დღეები გაიმართა.

აჭარის ტურიზმის დეპარტამენტის მიერ ორგანიზებული ორდღიანი ღონისძიების ფარგლებში ვილნიუსის ცენტრალურ ქუჩებში ქართული ცეკვების ფლეშმობი გაიმართა, სადაც ქართველმა და ლიტველმა ბავშვებმა სხვადასხვა ქართული ცეკვები შეასრულეს.

ღონისძიების მეორე დღეს კი ვილნიუსის ყველაზე ხალხმრავალ ადგილას გაიმართა კონცერტი, სადაც მუსიკალურმა ანსამბლმა „ფერიცვალება“-მ და ქორეოგრაფიულმა ანსამბლმა „მწვერვალ“-მა მაყურებელს ქართული ფოლკლორი წარუდგინეს. კონცერტზე ლიტვაში პოპულარულმა ქართველმა მომღერალმა შორენა ჯანიაშვილმა შეასრულა ქართული სიმღერები. კონცერტის მსვლელობისას მაყურებლისთვის აჭარული ხაჭაპურის კულინარიული მასტერკლასიც გაიმართა.

ლიტვაში ჩატარებული „აჭარის დღეები“ დეპარტამენტის მიერ სხვა სამიზნე ქვეყნებში ჩატარებული იგივე ღონისძიებისგან ფორმატით განსხვავებული იყო. ამ შემთხვევაში ქართული ცეკვების, სიმღერისა და სამზარეულოს პოპულარიზაცია ღია ცის ქვეშ მიმდინარეობდა. აჭარის ტურიზმის დეპარტამენტმა „აჭარის დღეები“ ვილნიუსის გარდა ასტანაში, თელ-ავივში, მინსკსა და ვარშავაში გამართა. ღონისძიებები აჭარის ტურიზმის დეპარტამენტის ორგანიზებითა და აჭარის განათლების სამინისტროს მხარდაჭერით გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა