მარგველაშვილი: ჩვენს მოსაზრებებში ვენეციის კომისიის ანგარიში სიტყვასიტყვით არის გათვალისწინებული

2016-06-01 16:53:06, 597 ნახვა

პოლიტიკა

ჩვენს მოსაზრებებში სიტყვასიტყვით არის გათვალისწინებული ვენეციის კომისიის ანგარიში, - ამის შესახებ საქართველოს პრეზიდენტმა, გიორგი მარგველაშვილმა ჟურნალისტებს "საკონსტიტუციო სასამართლოს შესახებ" კანონში ცვილებების კომენტირებისას განუცხადა.

პრეზიდენტის თქმით, ზოგიერთ ექსპერტს თავისი მოსაზრებები ვენეციის კომისიის მოსაზრებებში ერევა.

„მე მქონდა საშუალება, მომესმინა არასამთავრობოების რადმენიმე კომენტარი ამ თემაზე. მზადდება ჩვენი ანგარიში უფრო დეტალურად ვეტოს საკითხთან დაკავშირებით. მინდა, გითხრათ, რომ სიტყვასიტყვით არის გათვალიწინებული ვენეციის კომისიის ანგარიში, უბრალოდ ხშირად ხდება, რომ ეშლებათ ხოლმე თავისი მოსაზრებები ვენეციის კომისიის მოსაზრებებში. ჩვენთვის ყველა მოსაზრება მნიშვნელოვანია, მაგრამ ამოსავალი წერტილი მმართველ გუნდთან მოლაპარაკებების დროს იყო ვენეციის კომისიის დოკუმენტი. შეიძლება, რომელიმე ექსპერტის მოსაზრებებს არ ემთხვეოდეს ვენეციის კომისიის დასკვნას, მაგრამ კიდევ ერთხელ ვამბობ - ჩვენთვის ამომავალი წერტილი სწორედ ვენეციის დოკუმენტი იყო“, - განაცხადა მარგველაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან