2016-05-30 19:17:51, 543 ნახვა
საზოგადოება
პროექტში "მასწავლებელი - მეგზური ევროპისკენ" გამარჯვებული პედაგოგები ტალინში იმყოფებიან
პროექტში "მასწავლებელი- მეგზური ევროპისკენ" გამარჯვებული 10 პედაგოგი სასწავლო ვიზიტით ესტონეთის დედაქალაქ ტალინში გაემგზავრა.
ნატოსა და ევროკავშირის შესახებ საინფორმაციო ცენტრის ინფორმაციით, მასწავლებლები ესტონეთის განათლებისა და კვლევების სამინისტროს წარმომადგენლებს ხვდებიან და ესტონური განათლების სისტემას ეცნობიან.
დღის განმავლობაში დაგეგმილია სხვადასხვა აქტივობა, ვიზიტი საჯარო სკოლასა და ტალინის უნივერსიტეტში, შეხვედრები ესტონეთის განათლების ინოვაციების ცენტრისა და ინოვაციის ფონდის საგანმანათლებლო სააგენტოს წარმომადგენლებთან.
ვიზიტი 4 დღის განმავლობაში გაგრძელდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
