საბურთალოს რაიონის გამგეობამ ზაზა ბენდელიანის ქუჩის N2-თან არსებული სპორტული მოედნის სრული რეაბილიტაცია დაასრულა.

თბილისის მერიის ინფორმაციით, განახლებული მოედანი დღეს საბურთალოს რაიონის გამგებლის მოადგილეებმა ლუკა კანკავამ და გაიოზ ვასაძემ ადგილობრივ მოსახლეობასთან ერთად გახსნეს.

მათივე ცნობით, აღნიშნული სტადიონი რეაბლიტაციამდე სტანდარტების შეუსაბამოდ იყო მოწყობილი, დაზიანებული იყო როგორც მისი საფარი, ისე მავთულბადე და სხვა ინვენტარი, რის გამოც მისი სრული დემონტაჟი გახდა საჭირო. პროექტის ფარგლებში, არმირებული ბეტონით მოეწყო ლენტური საძირკველი, დაისხა ბეტონის საფარი, ტერიტორია შეიღობა პლასტმასის გარსით იზოლირებული მავთულბადით, დაიგო ხელოვნური ბალახის საფარი. მოედანზე დამონტაჟდა კალათბურთის ფარები და ფეხბურთის კარები.

პროექტი კომპანია „დოკასპორტმა“ განახორციელა.

„ბენდელიანის ქუჩაზე, ფაქტობრივად, სრულიად ახალი სპორტული მოედანი მოვაწყეთ, რადგან ძველ სტადიონს ჰქონდა ტრაპეციის ფორმა, რის გამოც საჭირო გახდა მისი სრული დემონტაჟი. დღეს მოედანი არსებულ სტანდარტებს შეესაბამება, კეთილმოწყობილია და ადგილობრივი მოსახლეობაც კმაყოფილია იმით, რომ ახალგაზრდებს შესაძლებლობა აქვთ აქ სხვადასხვა სპორტული ღონისძიებები გამართონ,“ - განაცხადა ლუკა კანკავამ.

საბურთალოს რაიონის გამგეობა ამჟამად კიდევ 14 სპორტული მოედანის რეაბილიტაციას ახორციელებს. მიმდინარე წლის ბიუჯეტში სპორტული მოედნების რეაბილიტაცია-რეკონსტრუქციისათვის 735,939 ლარია გათვალისწინებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა