სახელმწიფო უსაფრთხოების სამსახურმა "ქიმიური, ბიოლოგიური, რადიაციული და ბირთვული (ქბრბ) მეცნიერებისა და შედეგების მართვის მსოფლიო კონგრესს" მასპინძლობს.

როგორც სუს-ის ხელმძღვანელმა ვახტანგ გომელაურმა ჟურნალისტებთან საუბარში აღნიშნა, ეს ღონისძიება საქართველოსთვის ძალიან მნიშვნელოვანია.

"2015 წლის 1 აგვისტოდან დღემდე, რადიაქტიული ნივთიერებების ამოღების 4 ფაქტი დაფიქსირდა. ჩემი ამერიკაში ვიზიტის დროს, ძალიან დიდი გამოხმაურება მოჰყვა, როგორც ბრიტანეთიდან ასევე ამერიკის შეერტებული შტატებიდან. ჩვენ რეგიონში არის აღნიშნული საკითხის საფრთხე, რადგან გვაქვს ოკუპირებული ტერიტორიები, რომლებიც არ კონტროლდება. იყო ასევე , სხვადასხვა ქვეყნებიდან შემოტანის და ბრუნვის ფაქტები, აქედან კი 4 ფაქტი აღვკვეთეთ", - განაცხადა გიმელაურმა.

შეგახსენებთ, რომ დღეიდან 2 ივნისის ჩათვლით, თბილისში "ქბრბ მეცნიერებისა და შედეგების მართვის მსოფლიო კონგრესი" დაიწყო. აღნიშნული ღონისძიება საქართველოში 2014 წელს გაიმართა. კონგრესის თბილისში გამართვის გადაწყვეტილება ქბრბ უსაფრთხოების სფეროში საქართველოს მიერ მიღწეულ პროგრესს უკავშირდება. ღონისძიებას საქართველოს სახელწმიფო უსაფრთხოების სამსახური მასპინძლობს და აშშ-ის მთავრობა მისი მხარდამჭერია.

მასში მსოლფიოს 30 ქვეყნისა და საერთაშორისო ორგანიზაციის მაღალი რანგის ოფიციალური პირები, ქბრბ სფეროს ექსპერტები და მეცნიერები მონაწილეობენ. ღონისძიებაზე ისეთი საკითხები განიხილება, როგორებიცაა ბირთვული და რადიოლოგიური უსაფრთხოება, მასობრივი განადგურების იარაღისა და მასალების გაუვრცელებლობა, ბიოდაცულობა და ბიოუსაფრთხოება, ქიმიური უსაფრთხოების ასპექტები და ა.შ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება