სამართლებრივ საკითხებზე მომუშავე ჟურნალისტებს იუსტიციის უმაღლესი სკოლა ხვალ სერტიფიკატებს გადასცემს

2016-05-27 16:03:31, 584 ნახვა

პოლიტიკა

იუსტიციის უმაღლეს სკოლაში ხვალ 11:00 საათზე სერტიფიკატები გადაეცემათ „სპეციალური სასწავლო კურსი ჟურნალისტებისთვის სამართლებრივ საკითხებზე“ მონაწილეებს.

იუსტიციის უმაღლესი სკოლის ინფორმაციით, „სპეციალური სასწავლო კურსი ჟურნალისტებისთვის სამართლებრივ საკითხებზე“ იუსტიციის უმაღლესმა სკოლამ გერმანიის საერთაშორისო თანამშრომლობის საზოგადებასთან (GIZ) თანამშრომლობით შეიმუშავა საქართველოში ჟურნალისტების სამართლებრივი ცოდნის ამაღლების მიზნით.

მათივე ინფორმაციით, კურსის შემუშავების პროცესში ჩართულები იყვნენ, როგორც ქართველი ასევე გერმანელი მოსამართლე ექსპერტები.

სპეციალური კურსის შემუშავების იდეა თავად ჟურნალისტთა კორპუსის სურვილმა განაპირობა. პროგრამის თემები ჟურნალისტების ჩართულობით იქნა იდენტიფიცირებული იუსტიციის უმაღლესი სკოლის მიერ.

სპეციალური სასწავლო კურსი ორ ეტაპიანია და ფარავს შემდეგ მიმართულებებს: ადამიანის უფლებები, კონსტიტუციური სამართალი, სისხლის სამართალი, ადმინისტრაციული სამართალი, საქართველოს კანონს „საერთო სასამართლოების შესახებ“

აღნიშნული კურსი პირველად ჩატარდა, თუმცა იუსტიციის უმაღლეს სკოლა, დაინტერესებული ჟურნალისტებისთვის ზემოაღნიშნული კურსის ჩატარებას მომავალშიც გეგმას.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან