2016-05-26 10:26:25, 598 ნახვა
საზოგადოება
ფონიჭალაში საკანალიზაციო ქსელი მოეწყობა
სოფელ ფონიჭალაში, თავისუფლების ქუჩაზე საკანალიზაციო ქსელი მოეწყობა.
როგორც „ექსპრესნიუსს“ კრწანისის რაიონის გამგეობიდან აცნობეს, პროექტი, რომელიც თვენახევარში დასრულდება, სოფელში პირველად ხორციელდება.
მათივე ინფორმაციით, სამუშაოებს კრწანისის გამგეობა აფინანსებს.
საკანალიზაციო ქსელის მოწყობის პროცესს ადგილზე გაეცნენ რაიონის გამგებელი, გიორგი კოპალეიშვილი და მაჟორიტარი დეპუტატი საკრებულოში, ბექა ნაცვლიშვილი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
