PSP-ს თანადამფუძნებლის კახა ოქრიაშვილის ვარაუდით, მიმდინარე წლის მაისში 1 დოლარი 2 ლარი იქნება.

ამის შესახებ  ოქრიაშვილმა ჟურნალისტებს ბიზნესასოციაციის წევრი კომპანიების წარმომადგენლებისა და ეკონომიკური გუნდის მინისტრების შეხვედრის შემდეგ განუცხადა. 

„ვფიქრობ,დაახლოებით მაისის თვეში სავალუტო კრიზისი აღარ იქნება და ჩემი პირადი პროგნოზით, ლარის კურსი დოლართან მიმართებაში ერთი ორთან იქნება“,-აღნიშნა ოქრიაშვილმა.

ამასთან, ბიზნეს ასოციაციის  პრეზიდენტი გიორგი ჭირაქაძის შეფასებით, ლარის კურსი  დოლართან მიმართებაში დაიწევს, თუმცა ეს დროებითი იქნება.

„ ლარის კურსი ქვემოთ წამოვა, შეიძლება ეს  დოლართან მიმართებაში 1.9 ან 2.0, მაგრამ ეს სავარაუდოდ დროებითი იქნება. თუ ხელისუფლების მხრიდან სერიოზული ნაბიჯები არ გადაიდგმება, 6 თვის ან მაქსიმუმ 1 წლის თავზე, ეროვნულ ვალუტასთან დაკავშირებით  ჩვენ იგივე შედეგს მივიღებთ", – აღნიშნა ჭირაქაძემ და აქვე  დასძინა, რომ დღეს ხელისუფლებას შესაძლებლობა აქვს, ლარი დაასტაბილუროს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები