დევნილთა და განსახლების მინისტრი სოზარ სუბარი სამეგრელოს რეგიონში სოციალურად დაუცველი ოჯახების თავშესაფრით უზრუნველყოფისა და სათემო ინფრასტრუქტურის რეაბილიტაციის პროექტის დახურვის ცერემონიას დაესწრო.

როგორც „ექსპრესნიუსს“ ლტოლვილთა და განსახლების სამინისტროდან აცნობეს, პროექტის ფარგლებში, ზუგდიდის მუნიციპალიტეტში მცხოვრები დევნილი ოჯახებისთვის 14 სახლი აშენდა.

მათივე ცნობით,  აღნიშნულ პროექტში იმ დევნილ ოჯახებს შეეძლოთ მონაწილეობა, რომლებსაც საკუთრებაში არასასოფლო-სამეურნეო მიწის ნაკვეთი გააჩნიათ. კერძო სახლები დევნილების საკუთრებაში არსებულ მიწის ნაკვეთებზე აშენდა. საცხოვრებელი სახლების ფართობი კი ოჯახის წევრების რაოდენობის მიხედვით განისაზღვრა. მნიშვნელოვანია, რომ განსახლების პარალელურად, 14 ოჯახს შემოსავლის წყაროს გაჩენის მიზნით, მცირე გრანტებიც გადაეცა.

ზუგდიდის მუნიციპალიტეტში გარემონტდა 3 პრიორიტეტული ინფრასტრუქტურული ობიექტი: ახალსოფლის სკოლა, ჯიხაშკარის საბავშვო ბაღი, და ჭკადუაშის მულტიფუნქციური შენობა, რომელიც მოიცავს საბავშვო ბაღს, ამბულატორიას და კომპიუტერულ ცენტრს;

პროექტის მიზანს ზუგდიდის მუნიციპალიტეტში დევნილებისა და უკიდურესად გაჭირვებული ადგილობრივი მოსახლეობის სიღარიბის დონის შემცირება წარმოადგენდა. პროექტი შვეიცარიის განვითარებისა და თანამშრომლობის სააგენტოს (შDჩ) დაფინანსებით, დანიის ლტოლვილთა საბჭომ (Dღჩ) განახორციელა.

სოზარ სუბარმა, შვეიცარიის კონფედერაციის ელჩმა საქართველოში ლუკას ბეგლინგერმა, ლტოლვილთა დანიის საბჭოს სამხრეთ კავკასიის წარმომადგენლობის დირექტორმა სვენდ მონრად გრაუნბოელმა და სამეგრელო-ზემო სვანეთის მხარეში სახელმწიფო რწმუნებულის მოადგილემ კახაბერ რუსიამ პროექტის ფარგლებში დაფინანსებული პროექტები და დევნილი ოჯახებისთვის აშენებული სახლები მოინახულეს.

პროექტის დახურვის ცერემონიალზე დოკუმენტური ფილმის ჩვენებაც გაიმართა, სადაც შვეიცარიის განვითარების და თანამშრომლობის სააგენტოს მიერ 10 წლის განმავლობაში სამეგრელოს რეგიონში განხორციელებული პროგრამები იყო ასახული.

გარდა აღნიშნული პროექტისა, სამინისტრო წლების განმავლობაში მჭიდროდ თანამშრომლობს შვეიცარიის განვითარებისა და თანამშრომლობის სააგენტოსთან. შDჩ-ის დაფინანსებით მოხდა 35 ინდივიდუალური სახლის სრული რეაბილიტაცია წყალტუბოში და საცხოვრებლით დაკმაყოფილდა 70 ეკომიგრანტი ოჯახი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სინოდის სხდომას წილკნელი მიტროპოლიტი ზოსიმე არ ესწრება, ხმას 38 მღვდელმთავარი აძლევს

გლდანის რაიონში გაზმომარაგება ავარიულად 20 000 აბონენტს შეუწყდება

წინანდლის მამულში ვარდობისთვე გაიმართება - პროექტის გენერალური სპონსორი და მხარდამჭერია SOLO

სომხეთის პრემიერის სპიკერი უარყოფს ცნობებს საქართველოსთვის სოფლის გადაცემაზე შეთანხმების შესახებ