14 მაისს, ესტონეთის საგარეო საქმეთა მინისტრმა მარინა კილიურანდმა ლენარტ მარის კონფერენციის ფარგლებში საქმიან ლანჩს უმასპინძლა, რომელსაც ლიტვისა და ლატვიის საგარეო საქმეთა მინისტრები ლინას ლინკევიჩუსი და ედგარს რინკევიჩი,საფრანგეთის საგარეო საქმეთა მინისტრის მოადგილე ჰარლემ დეზირი და ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრი დავით ბაქრაძე დაესწრნენ.

საქმიანი ლანჩის ფორმატში დავით ბაქრაძემ ევროპელ დიპლომატებს საქართველოში მიმდინარე რეფორმები, ვიზალიბერალიზაციასთან დაკავშირებით ქვეყანაში არსებული მოლოდინები და ნატოს ვარშავის სამიტთან დაკავშირებით მზადების პროცესი გააცნო. 

საგარეო უწყების წარმომადგენლებმა დააფიქსირეს საქართველოს ვიზალიბერალიზაციის მხარდაჭერისადმი მზადყოფნა და ვარშავის სამიტთან დაკავშირებული მიმდინარე საკითხები.

ვიზიტის ფარგლებში დავით ბაქრაძემ ორმხრივი შეხვედრა გამართა ესტონეთის საგარეო საქმეთა მინისტრთან მარინა კილიურანდთან.

სახელმწიფო მინისტრმა, ასევე, მონაწილეობა მიიღო ლენარტ მარია კონფერენციის ფარგლებში განხილვებზე თემაზე "აღმოსავლეთის უნდობლობა და სამხრეთის მღელვარება - ევროპული სამეზობლოს დაბალანსება".

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე ოპოზიციას ისევ მოღალატეებს და მტრებს უწოდებს

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე