კოალიცია ”ქართული ოცნება-დემოკრატიული საქართველო” დღეს რიგით IV ყრილობას გამართავს.

ყრილობაზე პარტიის წევრები ახალ თავმჯდომარეს აირჩევენ. ამ პოსტზე პრემიერ-მინისტრი, გიორგი კვირიკაშვილია წარდგენილი. ყრილობა ასევე პარტიის პოლიტსაბჭოს განახლებულ შემადგენლობას აირჩევს და ახალ წესდებას დაამტკიცებს.

„ყრილობაზე პარტიის თავმჯდომარედ გიორგი კვირკაშვილს ავირჩევთ, რომლის ლიდერობით, ჩვენი პარტია კიდევ უფრო დიდ შედეგებს და პროგრესს მიაღწევს“, - განაცხადა ირაკლი კობახიძემ.

როგორც „ქართული ოცნების“ აღმასრულებელმა მდივანმა, ირაკლი კობახიძემ აღნიშნა, ყრილობაზე მიწვეული არიან ყოფილი პრემიერ-მინისტრები ბიძინა ივანიშვილი და ირაკლი ღარიბაშვილი. ასევე პარლამენტის თავმჯდომარე დავით უსუფაშვილი, ”მრეწველების” ლიდერი ზურაბ ტყემალაძე და ”კონსერვატიული პარტიის” ლიდერი ზვიად ძიძიგური.

“ ყრილობაზე იქნებიან ჩვენი პარტიის წევრები, პარტიული სტრუქტურებისა და ხელისუფლების წარმომადგენლები, ჩვენი დეპუტაცია, სხვადასხვა სფეროში წარმატებული ადამიანები; მოწვეულნი არიან ჩვენი სტრატეგიული პარტნიორები - “კონსერვატორები”, "მრეწველები" და “რესპუბლიკური პარტია”; საპატიო სტუმარი იქნება ბიძინა ივანიშვილი; მოსაწვევი მიიღო ჩვენმა ყოფილმა თავმჯდომარემ, ირაკლი ღარიბაშვილმა”, - განაცხადა კობახიძემ.

ცნობისთვის, პარტიულ ყრილობაზე ”ქართულმა ოცნებამ” დიპლომატიური კორპუსისა და არასამთავრობო ორგანიზაციების წარმომადგენლებიც მიიწვია.

რაც შეეხება პრეზიდენტის მიწვევას, კობახიძის თქმით, პრეზიდენტის თანამდებობა ზეპარტიულია და პარტიულ ღონისძიებაზე მისი მიწვევა მიზანშეწონილად არ ჩაითვალა. მისივე ინფორმაციით, “ქართული ოცნების” ყრილობას სპორტის სასახლეში 9 ათასი ადამიანი დაესწრება.

პარტიის ყრილობა თბილისის სპორტის სასახლეში 16:00 საათზე დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე ოპოზიციას ისევ მოღალატეებს და მტრებს უწოდებს

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე