კანადაში ხანძარს ამ დრომდე ვერ აქრობენ - ქალაქში 4000-მდე ადამიანია დარჩენილი

2016-05-07 16:41:30, 1238 ნახვა

მსოფლიო

კანადის ქალაქი ფორტ მაკ-მიურეი ძლიერი ხანძრის გამო გარე სამყაროსგან მოწყვეტილი აღმოჩნდა, - ამის შესახებ BBC იუწყება.

მედიის ინფორმაციით, 60 მეტრის სიმაღლის ცეცხლი ქალაქთან დამაკავშირებელ ერთადერთ ავტომაგსიტრალს მიუახლოვდა. ამჟამად ქალაქში დაახლოებით 4000 ადამიანია დარჩენილი. მათი ევაკუაცია ვერტმფრენებით მიმდინარეობს.

შეგახსენებთ, რომ 6 მაისს მაშველებმა სტიქიის ზონიდან 5000 ადამიანი გამოიყვანეს. ფორტ მაკ-მიურეის მოსახლეობის ძირითადი ნაწილის - 88 ათასი ადამიანის ევაკუაცია მიმდინარე კვირის დასაწყისში განხორციელდა.

ქალაქ ფორტ მაკ-მიურეიში ხანძარმა 1600-ზე მეტი სახლი და ადმინისტრაციული შენობა გაანადგურა.

ცნობისთვის, ალბერტას შტატის ქალაქი ფორტ მაკ-მიურეი კანადის უმსხვილეს ნავთობსაბადოებთან მდებარეოს. ნავთობის მარაგის ოდენობის მიხედვით კანადის ალბერტას შტატი საუდის არაბეთისა და ვენესუელის შემდეგ მსოფლიოში მესამე ადგილს იკავებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან