„სამშობლოს მსახურების ღვაწლი გიორგი მაზნიაშვილის სახელით არ დამთავრდება“, - ასე მიმართა საქართველოს პრეზიდენტმა გიორგი მარგველაშვილმა კასპში, ადგილობრივ მოსახელობას, სადაც  მან გენერალ გიორგი მაზნიაშვილის სახლ-მუზეუმი დაათვალიერა.

პრეზიდენტის თქმით, ღვაწლი, რომელიც წმინდა გიორგიმ თავის დროზე  გაიარა არაერთხელ განმეორებულა საქართველოს ისტორიაში.

"ღვაწლი, რომელიც წმინდა გიორგიმ თავის დროზე მოწამეობრივად გაიარა არაერთხელ განმეორებულა ჩვენი ერის ისტორიაში. არაერთი ადამიანი ყოფილა, რომელსაც იგივე იდეალით უცხოვრია. ყოფილა მებრძოლი, იარაღით ხელში და ამავე დროს ემსახურებოდა ყველაზე ნათელ იდეალებს, ემსახურებოდა სამშობლოს - საქართველოს.

ერთ-ერთი ასეთი ადამიანი იყო ჩვენი ქვეყნის გენერალი გიორგი მაზნიაშვილი, რომელიც დაიბადა სწორედ აქ, სოფელ სასირეთში და თავის სამშობლოს სიცოცხლის ბოლომდე ემსახურა.

ბუნებრივი იყო, რომ გიორგობას აქ მოვსულიყავით. მე დარწმუნებული ვარ, რომ წმინდა გიორგის ღვაწლი მახვილით ხელში, სამშობლოს მსახურების ღვაწლი არ დამთვრდება გიორგი მაზნიაშვილის სახელით.

ეს ღვაწლი გრძელდება და დარწმუნებული ვარ, რომ დღესაც აქ, კასპში, საქართველოს სხვა სოფლებში და ქალაქებში ჩვენთან ერთად ზეიმობენ მომავალი გენერლები, მომავალი მხედართმთავრები და მომავალი ჯარისკაცები.

სულ რამდენიმე დღის წინ ჩვენ ამაყად ვიზეიმეთ ქართული არმიის 25 წლისთავი. იქ იდგნენ ადამიანები, რომლებიც ჩვენს ქვეყანას და მშვიდობას მსოფლიოს მასშტაბით იცავენ. ეს ძალა ჩვენს ერს აქვს და ეს ძალა არასდროს გაჩერდება. ამ ძალამ მოგვიყვანა დღემდე პატარა ერი. არა მხოლოდ როგორც კულტურა, არამედ როგორც სახლმწიფო.

გაუმარჯოს გიორგი მაზნიაშვილის ხსოვნას. გაუმარჯოს მის საქმეებს და გაუმარჯოს იმ მომავალ საქმეებს, რომელსაც აქ მდგომი ადამიანები გაუკეთებთ და შესწირავთ სამშობლოს.

კიდევ ერთხელ გილოცავთ გიორგობის ბრწყინვალე დღესასწაულს და ღმერთი ფარავდეს ჩვენს სამშობლოს და საქართველოს!"- განაცხადა გიორგი მარგველაშვილმა.

მოსახლეობასთან შეხვედრას ესწრებოდნენ საქართველოს პრეზიდენტის ადმინისტრაციის უფროსი გიორგი აბაშიშვილი, ეროვნული უშიშროების საბჭოს მდივანი ირინე იმერლიშვილი, პრეზიდენტის მრჩევლები ფიქრია ჩიხრაძე და ელენე აბაშიძე, პარლამენტის წევრები და ადგილობრივი ხელისუფლებისა და საპატრიარქოს წარმომადგენლები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს