შემოსავლების სამსახურის თანამშრომლებმა 38 ათას ლარამდე ღირებულების არადეკლარირებული ოქროს ნაკეთობების შემოტანის მცდელობა გამოავლინეს.

შემოსავლების სამსახურის ინფორმაციით, საბაჟო გამშვები პუნქტის, „სადახლო-საავტომობილოს“, მებაჟე ოფიცრებმა საერთო წონით 237,78 გრამი საქონელი, სომხეთის მოქალაქე ა.პ.-ის კუთვნილი ხელბარგის ეჭვის საფუძველზე დათვალიერების შედეგად აღმოაჩინეს. საქმე შემდგომი რეაგირების მიზნით გადაეცა ფინანსთა სამინისტროს საგამოძიებო სამსახურს.

ოქროს ნაკეთობების დეკლარირების წესის დარღვევით შემოტანის ფაქტები გამოვლინდა ასევე საბაჟო გამშვებ პუნქტზე „ყაზბეგი“. 27 აპრილს, მებაჟე ოფიცრებმა, ეჭვის საფუძველზე ბოდისკანერითა და ფიზიკური დათვალიერების შედეგად, საერთო წონით 285,91 გრამი ოქროს ნაკეთობები აღმოუჩინეს საქართველოს მოქალაქე ნ.თ.-ს, ხოლო 30 აპრილს, საერთო წონით 259,58 გრამი დამალული ოქროს ნაკეთობები უპოვეს აზერბაიჯანის მოქალაქე ა.ბ.-ს. საქონლის საბაჟო ღირებულებამ შეადგინა, შესაბამისად, 16349,57 და  16764,58 ლარი.

ორივე საქმე შემდგომი რეაგირების მიზნით გადაეცა საქართველოს ფინანსთა სამინისტროს საგამოძიებო სამსახურის საგამოძიებო დეპარტამენტის საბაჟო წესების დარღვევის წინააღმდეგ ბრძოლის სამმართველოს.

27 აპრილს მსგავსი ფაქტი გამოვლინდა საბაჟო გამშვებ პუნქტზე „სარფი“. ავტომობილში, რომელსაც საქართველოს მოქალაქე ა.ს. მართავდა, მებაჟე ოფიცრებმა არადეკლარირებული ოქროს ნაკეთობები - საერთო  წონით 569,05 გრამი - და ვერცხლის საიუველირო ნაკეთობები - საერთო წონით 6499,21 გრამი - აღმოაჩინეს. საქონლის საბაჟო ღირებულებამ შეადგინა 37096,33 ლარი.

საქმე შემდგომი რეაგირების მიზნით გადაეცა საქართველოს ფინანსთა სამინისტროს საგამოძიებო სამსახურის საგამოძიებო დეპარტამენტის აჭარისა და გურიის სამმართველოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის