2016-05-03 18:35:55, 1085 ნახვა
სამართალი
სამტრედიაში სახანძრო სამსახურის მანქანა ამოტრიალდა
სამტრედიაში გამოძახებაზე გასული სახანძრო სამსახურის მანქანა ამოტრიალდა. შემთხვევის შედეგად ერთი მეხანძრე დაშავდა, რომელიც საავადმყოფოშია გადაყვანილი. წინასწარი ინფორმაციით, მომხდარის მიზეზი გადაჭარბებული სიჩქარეა.
როგორც "ექსპრესნიუსს" შინაგან საქმეთა სამინისტროში განუცხადეს, გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების, ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
