კამპანია „ეს შენ გეხება“, პირადი ცხოვრების უფლების დაცვისთვის უფრო მეტი გარანტიების შესაქმნელად, პარლამენტს 3 საკანონმდებლო პროექტს წარუდგენს.

არასამთავრობო სექტორი დამოუკიდებელი საგამოძიებო მექანიზმის შექმნას ითხოვს, რომელიც სამართალდამცავთა მხრიდან ჩადენილ შესაძლო დანაშაულებს შეისწავლის. 

უფლებადამცველები ასევე საპარლამენტო საზედამხედველო საბჭოს ფორმირებას ითხოვენ, რათა სახელმწიფო უსაფრთხოების სამსახურის რეფორმა განხორციელდეს. მათი განცხადებით, საჭიროა დამოუკიდებელი სააგენტოს შექმნა, რომელიც მოსმენების პროცესს გააკონტროლებს. 

„პირადი ცხოვრების დაცვის თემა არის კომპლექსური საკითხი - პირველი ეს არის ე.წ გასაღების თემის რეგულირება. საკონსტიტუციო სასამართლოს გადაწყვტილების შემდეგ ნათელია, რომ ამ საკითხს სჭირდება ახლებური რეგულირება. კამპანია სთავაზობს ხელისუფლებას, ე.წ გასაღები გადაეცეს დამოუკიდებელ ორგანოს, რომელიც გაუწევს ეფექტურ სერვისს ყველა საგამოძიებო ორგანოს. საკონსტიტუციო სასამართლომ ძალიან ნათლად თქვა, რომ არ შეიძლება, გასაღების მექანიზმი ჰქონდეს იმ ორგანოს, რომელსაც აქვს საგამოძიებო ინტერესი ან პროფესიულად დაინტერესებულია, რაც შეიძლება მეტი ინფორმაცია მოიპოვოს პერსონალური ცხოვრების შესახებ. სწორედ ამიტომ, კანონპროექტი, რომელიც მომზადებულია კამპანიის მხრიდან, ასახავს იმ სულისკვეთებას, რომელიც გადმოცემულია საკონსტიტუციო სასამართლოს გადაწყვეტილებაში. ორგანო რომელსაც ჩვენ ვთავაზობთ ხელისუფლებას,იქნება სრულიად დამოუკიდებელი, მას დააკომპლექტებს საქართველოს პარლამენტი, და მისი ანგარიშვალდებულებაც იქნება პარლამენტის წინაშე და მას არანაირი შემხებლობა არ ექნება სამართალდამცავ ორგანოებთან”, - განაცხადა ადამიანის უფლებათა სწავლებისა და მონიტორნგის ცენტრის წარმომადგენელმა, სოფო ვერძეულმა.

მისივე თქმით, იმისათვის, რომ ეს ორგანო იყოს დამოუკიდებელი, მნიშვნელოვანია მათი დაკომპლექტების წესი და მათი ხელშეუხებლობის გარანტიები.

„ყველა ეს საკითხი გათვალისწინებულია კანონპროექტში, დაკომპლექტება მოხდება თანამონაწილეობით და გამჭვირვალე პროცესით, ეს მოხდება პარლამენტში და ჩართული იქნება ყველა დაინტერესებული მხარე”, - განაცხადა ვერძეულმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინმა ტრამპს განუცხადა, რომ მზადაა 9 მაისს უკრაინაში დროებითი ცეცხლის შეწყვეტა გამოაცხადოს

თურქეთმა რუსებისთვის ბინადრობის ნებართვის მიღების საფასური თითქმის 15-ჯერ გაზარდა

ბათუმში სამსართულიან საცხოვრებელ სახლში ხანძარია

მეტროსადგურ ისანში კაცი ლიანდაგებში ჩავარდა