სახელმწიფო სერვისების განვითარების სააგენტოს ინიციატივით და ორგანიზებით, საზოგადოებრივ ცენტრებში ცნობილი ადამიანების ვიზიტები გრძელდება.

ამჯერად ფოტოგრაფი გოგა ჩანადირი კაზრეთის საზოგადოებრივ ცენტრს ეწვია.

შეხვედრის პირველი ნაწილი გარემოს დაცვას, ეკოლოგიას, სამოქალაქო პასუხისმგებლობას და მოხალისეობრივ საქმიანობის მნიშვნელობაზე საუბარს დაეთმო, ხოლო მეორე ნაწილში გოგა ჩანადირმა ფოტოხელოვნების მინიმალური სტანდარტები გააცნო შეხვედრის მონაწილე ახალგაზრდებს. შეხვედრის განმავლობაში მონაწილეებმა გამოთქვეს თავიანთი შეხედულებები სხვადასხვა საკითხებთან დაკავშირებით, ასევე ფოტოხელოვანს გაუზიარეს თავიანთი მოსაზრებები ადგილობრივი ახალგაზრდული ცხოვრებისა და ინტერესების შესახებ.

აღსანიშნავია, რომ სახელმწიფო სერვისების განვითარების სააგენტოს ორგანიზებით საზოგადოებრივ ცენტრებში ცნობილი ადამიანების ვიზიტები მომავალშიც გაგრძელდება და სხვადასხვა სოფლების მოსახლეობას ექნება მსგავს შეხვედრებში მონაწილეობის მიღების საშუალება.

საზოგადოებრივი ცენტრების განვითარება საქართველოში იუსტიციის სამინისტროს სახელმწიფო სერვისების განვითარების სააგენტოს ერთ-ერთი ინიციატივაა, რომელიც ევროკავშირის ფინანსური დახმარებით ხორციელდება. ცენტრების მიზანია მოსახლეობისთვის სახელმწიფო სერვისებზე ხელმისაწვდომობის გაზრდა და სოფლის განვითარებისთვის შესაბამისი გარემოს შექმნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა მელია - ცილისმწამებლებთან აღარაფერი გაკავშირებს

ბოჭორიშვილი ჰერჩინსკიზე: ქართველი ხალხის ნება გამოხატულია საქართველოს ხელისუფლების არჩევანში

რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში

გახარია საქართველოსთვის: ოპოზიციური ალიანსი „ოცნების“ პოლიტიკას უწყობს ხელს