ვიცე-პრემიერმა კახი კალაძემ  2012 წლის შემდეგ საქართველოს ხელისუფლების მიერ გაწეული საქმიანობა შეაფასა.

როგორც კალაძემ ჟურნალისტებს განუცხადა,  2012 წლის შემდეგ, დემოკრატიიის განვითარების კუთხით, ქვეყანაში ძალიან მნიშვნელოვანი  ნაბიჯები გადაიდგა:

„შემიძლია ვთქვა, რომ დღეს საქართველოში  ადამიანის უფლებები არის დაცული ისე, როგორც არასდროს, ჩვენი ქვეყნის თითოეული მოქალაქის უფლებები არის  თანაბრად დაცული მიუხედავად მათი   პოლიტიკური შეხედულებების, ან განსხვავებული პოზიციებისა, თანაბრად ყველას უფლებები არის  ქვეყანაში დაცული.

ჩვენ ყველას გვახსოვს ბევრი დრო არ გასულა მას შემდეგ,  თუ როგორი  დამოკიდებულება იყო ქვეყნაში განსხვავებული პოლიტიკური შეხედულებების მქონე ადამიანების მიმართ, როგორი ზეწოლა, შანტაჟი მიდიოდა. ჩვენ მოვახერხეთ და  ჩვენი ქვეყნის მოსახლეობასთან ერთად ეს ყველაფერი ჩავაბარეთ წარსულს და დარწმუნებული ვარ, საქართველოში არასდროს არ დაბრუნდება წლები, როდესაც განსხვავებული აზრის მქონე, განსხვავებული პოლიტიკური შეხედულებების მქონე ადამიანები ხელკეტებით, ქვებით იდევნებოდნენ. ჩვენ ვაშენებთ თანემდროვე, დამოუკიდებელ, ევროპულ ქვეყანას, რომელიც იქნება დემოკრატიულ ინსტიტუტებზე დაფუძენებული. ხარვეზები ნორმალურია, ნებისმიერ ქვეყანაში არსებობს, ამიტომ ჩვენ ბევრს ვმუშაობთ იმისთვის, რომ ყველა ის ხარვეზი, რომელიც არის დარჩენილი, მაქსიმალურად უახლოეს მომავალში იქნას აღმოფხვრილი და შესაბამისად, დარწმუნებული ვარ, ამ მიმართულებით ბევრი მნიშვნელოვანი რეფორმები იქნება განხორციელებული“, - განაცხადა კახი კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი

კობახიძიე ისევ აკრიტიკებს გერმანიას და ევროპაში ყველაზე ძლიერ ქვეყანას კომიკურს უწოდებს