ვიცე-პრემიერი კახი კალაძე არ ადასტურებს, რომ „ქართულმა ოცნებამ“  შიდა კვლევა ჩაატარა, რომლის მიხედვითაც, 33 % აქვს „ქართულ ოცნებას“, ხოლო 30%- „ნაციონალურ მოძრაობას“.

კალაძის თქმით, ყველა კვლევა, რომელიც ტარდება,  ცხადყოფს, რომ ერთადერთი ძალა ქვეყანაში  პარტია „ქართული ოცნებაა“, რომელსაც აქვს რეალური შანსი, მომავალ საპარლამენტო არჩევნებში  საკონსტიტუციო უმრავლესობით მოვიდეს პარლამენტში.

„NDI-ს ხომ არ ჩაუტარებია? კვლევებს რაც შეეხება, მე კიდევ ერთხელ მინდა გავაკეთო განცხადება, რომ ყველა კვლევა, რომელიც ტარდება, ეს არის შიდა კვლევები, ასევე ავიღოთ ბოლოს ჩატარებული არჩევნები მარტვილში, არჩევნები გარდაბანში, ცხადყოფს, რომ ერთადერთი ძალა ქვეყანაში,  ეს არის პარტია „ქართული ოცნება“, რომელსაც აქვს რეალური შანსი, შესაძლებლობა  იმისა, რომ  მომავლ საპარლამენტო არჩევნებში  საკონსტიტუციო უმრავლესობით მოვიდეს პარლამენტში“, - განაცხადა კალაძემ.

ამასთან, კალაძე საქართველოს მთავრობის ადმინისტრაციის მიერ პრეზიდენტის ადმინისტრაციისთვის  არჩევნების თარიღთან დაკავშირებულ განკარგულებაზე მოტივირებული შენიშვნების  გადაგზავნის საკითხს გამოეხმაურა.

„არჩევნების თარიღს რაც შეეხება, არაერთხელ იქნა გაკეთებული განცხადება და ვფიქრობ, მისასალმებელია, რომ წინასწარ გახდა ცნობილი თარიღი 8 ოქტომბერი,  ერთობლივად იქნა გადაწყვეტილება მიღებული. ზოგადად, გარკვეულ პრობლემებს წარმოადგენდა ყოველთვის არჩევნების თარიღი, ზოგადად ცნობილი არ იყო ხოლმე საზოგადოებისთვის, პოლიტიკური პარტიებისთვის და  გარკვეულ დისკომფორტს წარმოადგენდა ეს ყველაფერი, თუმცა მივესალმები, რომ წინასწარ  თარიღი  იქნა ცნობილი ყველასთვის და ასევე 3 თვე ვფიქრობ, ყველა პოლიტიკურ პარტიას  ექნება შესაძლებლობა  სრულყოფილად ჩაატაროს კმპანია, ქვეყნის განვითარების თავიანთი ხედვა  გააცნოს მოსახლეობას და  შემდეგ მოსაკლეობას ექნება შესაძლებლობა,  ჩამოყალიბებულად მიიღოს გადაწყვეტილება, თუ ვინ უნდა იყოს ქვეყნის ხელისუფლებაში და ვფიქრობ, სწორ გადაწყვეტილებას მიიღებს საქართველოს მოსახლეობა 2016 წლის საპარლამენტო არჩევნებში“, - განაცხადა კახი კალაძემ.

შეგახსენებთ, პრემიერ-მინისტრმა მთავრობის  სხდომაზე  განაცხადა, რომ ვინაიდან წინასაარჩევნო პერიოდად აღებული უნდა იყოს 3 თვე, უმჯობესი იქნება, თუკი პრეზიდენტი არჩევნებთან დაკავშირებულ განკარგულებას 8 ივლისს გამოაქვეყნებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო