ტიტას ხეს, რომელმაც შავი ზღვა გადაცურა, უფრო მეტი წარმატება ჰქონდა, ვიდრე კვირიკაშვილს მისი პრემიერად მოღვაწეობის 100 დღეში, - ამის შესახებ "ერთიანი ნაციონალური მოძრაობის" დეპუტატმა ირმა ნადირაშვილმა განაცხადა.

როგორც ნადირაშვილმა აღნიშნა, „ქართულმა ოცნებამ“ ქვეყნის მოსახლეობა უიმედო ადამიანებად გადააქცია.

"100 დღე გავიდა მას შემდეგ, რაც კვირიკაშვილი პრემიერი გახდა. ჩვენთვის ცნობილია, რომ ის მიმდინარე კვირას ამ 100 დღის შეჯამებას აპირებს. ეს იქნება შეხვედრა, სადაც გაგვაცნობს ალბათ მორიგ გეგმას, რომელიც არ შესრულდება, რადგან როგორც წესი "ოცნების" არცერთი პირობა არ სრულდება. ჩვენ გვაქვს კითხვები პრემიერთან - როგორ მოახერხა მოსახლეობის 70%-ს ჩაეთვალა, რომ ის სიღარიბეში ცხოვრობს?! როგორ მოხერხდა, რომ 57 % თვლის, რომ კრიმინალი გაიზარდა, 65% თვლის რომ დაუსაქმებელია და მხოლოდ 20 % მიიჩნევს რომ საქართველო სწორად ვითარდება. სამწუხაროა, რომ ქართულმა ოცნებამ ქვეყნის მოსახლეობა უიმედო ადამიანებად გადააქცია”, - განაცხადა ნადირაშვილმა.

მისივე თქმით, ქვეყანაში ვითარება ყველა მიმართულებით გაუარესებულია.

„რაც შეეხება პოლიტიკურ ფონს - 100 დღის განმავლობაში ბევრი ცუდი რამ მოხდა. მაგალითად ერთერთ ოპოზიციის ლიდერს შუა ქალაქში ესროლეს და ჩვენ დღემდე არ ვიცით რა მოხდა. გამოძიებას არ გაუცნია საზოგადოებისთვის მოტივი. ვრცელდება პირადი ცხოვრების ამსახველი კადრები. რა ხდება საარჩევნო გარემოს თვალსაზრისით? - ერთი ნაბიჯიც არაა წინ გადადგმული იმისთვის, რომ ეს გარემო გაუმჯობესდეს. ჩვენ რომ შევაჯამოთ ეს 100 დღე, მივიღებთ სურათს, რომ ყველა მიმართულებით ვითარება გაუარესებულია. ტიტას ხეს, რომელმაც გადმოცურა შავი ზღვა, მეტი წარმატება ჰქონდა, ვიდრე კვირიკაშვილს“, - განაცხადა ირმა ნადირაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო