"ერთიანი ნაციონალური მოძრაობის" წარმომადგენელი პეტრე ცისკარიშვილი NDI-ს კვლევებს ეხმაურება.

როგორც ცისკარიშვილი აცხადებს, ოცნების რეიტინგი კატასტროფულად იკლებს.

„მონაცემები დაახლოებით თანაბარია, მაგრამ ძალიან ბევრი რჩება ისეთი ადამიანი, რომელიც ჯერ კიდევ არ ჩამოყალიბებულა, არ გადაუწყვეტია ვის მისცემს ხმას. ჩვენ ამ ხალხთან ძალიან ბევრი გვაქვს სამუშაო. ვიცით, რომ მკაფიოდ ჩამოყალიბებული ელექტორატი გვყავს, მაგრამ ამის მიღმა ჩვენთვის მნიშვნელოვანია, რომ თვალი გავუსწოროთ იმ პრობლემებს, შეცდომებს, რაც წარსულში გვქონდა, ხალხს დავანახოთ, რომ ჩვენ ვისწავლეთ ამ შეცდომებზე და ამავდროულად დავანახოთ ჩვენი სამომავლო ხედვა - რა ტიპის რეფორმებს გავატარებთ იმისთვის, რომ ამ გაჭირვებიდან გამოვიყვანოთ ჩვენი ხალხი და ქვეყანა. რაც შეეხება მონაცემებს, ეს შუალედურია, გასაგებია, რომ ოცნების რეიტინგი კატასტროფულად იკლებს, მაგრამ ისევდა ისევ ჩვენთვის მნიშვნელოვანია, რომ ჩვენ დავიმატოთ ამომრჩეველი“, - აღნიშნა პეტრე ცისკარიშვილმა.

მან „ნაციონალური მოძრაობის” ლიდერის დავით ბაქრაძის რეიტინგზეც იუსაუბრა და განაცხადა, რომ ეს მისი პიროვნული და პარტიული საქმიანობის დამსახურებაა.

„დავით ბაქრაძე ყველა მონაცემით, როგორც სამსახურეობრივი საქმიანობის მოწონებით, ასევე პირადი სიმპატიით პირველ ადგილზე გავიდა, რაც ძალიან კარგია.  ეს დათოს პიროვნული და პარტიული საქმიანობის დამსახურებაა. ის მუდმივ შეხებაშია ხალხთან, დადის შეხვედრებზე, ისმენს მათ პრობლემებს, ცდილობს გადაწყვიტოს ეს პრობლემები და ხშირად წარმატებითაც. ასე, რომ მისი პიროვნული მონაცმეების, მუშაობის და რა თქმა უნდა პარტიის ბოლო პერიოდის მოღვაწეობის შედეგია ეს რეიტინგი“, - განაცხადა პეტრე ცისკარიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო