საპარლამენტო უმრავლესობის წევრის, სოციალ-დემოკრატების ლიდერ გია ჟორჟოლიანის განცხადებით, საპარლამენტო არჩევნების 8 ოქტომბერს დანიშვნა არ ნიშნავს იმას, რომ საარჩევნო რეჟიმი უკვე ამოქმედდება.

როგორც ჟორჟოლიანმა თემის კომენტირებისას ჟურნალისტებს განუცხადა, კანონის მიხედვით,  საარჩევნო რეჟიმი არჩევნებიდან 2 თვით ადრე უნდა ამოქმედდეს და ასეც იქნება. მისივე განმარტებით, არჩევნების  6 აპრილს განსაზღვრა და 8 ოქტომბერს დანიშვნა, პარტიებს შესაძლებლობას მისცემს, უკეთ მოემზადონ.

“საარჩევნო რეჟიმი არის 2 თვით ადრე. არჩევნების გამოცხადება მხოლოდ ძალიან მცირე შესაძლებლობებს ქმნის. ეს არის უწყებათაშორისი კომისია  და ამ ტიპის რეგულაციები. დანარჩენი ძირითადი რეგულაციები  ყველა შემთხვევაში კანონით განისაზღვრება 2 თვით ადრე. ის, რომ არჩევნები  განისაზღვრა 6 აპრილს და დაინიშნა 8 ოქტომბერს, პარტიებს აძლევს შესაძლებლობას, უკეთ მოემზადონ არჩევნებისთვის. ახლა ლაპარაკობენ რატომ 8-ში, და 15-ში რომ ყოფილიყო, შემდეგ იტყოდნენ- რატომ  15-ში. 5 ბთვით ადრე გამოცხადდა, თორემ ეს კიარ ნიშნავს იმას, რომ ის რეგულაციები ამოქმედდება, რომელიც უნდა ამოქმედდეს 2 თვით, ან ერთი თვით ადრე. ჩვენ ადმინისტრაციულ რესურსებს არც ადრე ვიყენებდით,  არც ახლა გამოვიყენებთ და განსაკუთრებით სასაცილოა ის, რომ ამაზე ლაპარაკობენ ისინი, ვინც დიდოსტატები არიან ადმინისტრაციული რესურსების გამოყენებისა. მსოფლიო ჩემპიონატი რომ ჩატარდეს, მსოფლიოში პირველ ადგილზე გავა  რამდენიმე ადამიანი, ვინც დღეს  ყველაზე აქტიურად ლაპარაკობს  მანიპულირებისა და ფალსიფიცირების დარგში“,-განაცხადა გია ჟორჟოლიანმა.

ინფორმაციისთვის,  პრეზიდენტის განკარგულებების მიხედვით, მორიგი საპარლამენტო არჩევნები და აჭარის ავტონომიური რესპუბლიკის უმაღლესი საბჭოს არჩევნები 2016 წლის 8 ოქტომბერს გაიმართება. ეს განკარგულება ძალაში 2016 წლის 8 აგვისტოდან შევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა