„ეროვნული ფორუმის“ ერთ-ერთი ლიდერის გუბაზ სანიკიძის განცხადებით, თუ კი მისი პარტია კოალიციიდან და უმრავლესობიდან გასვლის შესახებ გადაწყვეტილებას მიიღებს, პარლამენტის ვიცე-სპიკერის თანამდებობას დატოვებს.

ამის შესახებ სანიკიძემ ჟურნალისტებს „ექსპო-ჯორჯიაში“ განუცხადა, სადაც „ეროვნული ფორუმის“ ყრილობა მიმდინარეობს.

„ეროვნული ფორუმის“ წევრებმა დღეს უნდა მიიღონ ოფიციალური გადაწყვეტილება იმასთან დაკავშირებით, დატოვებენ თუ არა ისინი კოალიციას.

„ყრილობის გადაწყვეტილებამდე ჩემს პოზიციას არ დავაფიქსირებ, მაგრამ ვიტყვი, რომ ყრილობის უმრავლეობის გადაწყვეტილებას უსიტყვოდ დავემორჩილები. უმრავლესობის საკითხს ყრილობაზე გავარკვევთ.  თუ ჩვენ მივიღებთ გადწყვეტილებას უმრაველობიდან და კოალიციიდან გასვლის შესახებ, მე დავტოვებ თანამდებობას“,-განაცხადა სანიკიძემ და დასძინა, რომ კოლიცია ფაქტობრივად შენარჩუნებული აღარ არის და მას ფორმალური სახე აქვს.

„კოალიცია აღარ არის შენარჩუნებული, მაგრამ არის ფორმალურად. ვფიქრობ,  დღეს გადაწყდება ეს საკითხი, რომელთა დაკავშირებითაც „ეროვნული ფორუმის“ პოზიცია მნიშვნელოვანი იქნება“,-აღნიშნა გუბაზ სანიკიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა