მთიანი ღარაბაღის რესპუბლიკასა და აზერბაიჯანს შორის ე.წ. შეხების ხაზის მთელ პერიმეტრზე არსებული ვითარება მძაფრი რჩება. ინფორმაციას ე.წ. ღარაბაღის რესპუბლიკის თავდაცვის ბანაკის პრესს სამსახური ავრცელებს. მათივე  ცნობით, დამოუკიდებელი ღარაბაღის ჯარის მოწინავე ქვედანაყოფები თავდაცვით ბრძოლებს წარმატებით მართავენ. 

"მოწინააღმდეგე განიცდის მძიბე დანაკარგებს. 1-დან 2 აპრილზე ღამით და მთელი დღის განმავლობაში აზერბაიჯანულმა მხარემ ჯამში 200-ზე მეტი ადამიანი, ცოცხალი ძალა დაკარგა.

მხოლოდ ტალისის მიმართულებით 30-ზე მეტი აზერბაიჯანელი ჯარისკაცი, სპეციალური დანიშნულების ჯგუფი, იყო განადგურებული.  მარტაკერტის მიმართულებით განადგურდა მოწინააღმდეგის 2 ტანკი, 2 უპილოტო საფრენი აპარატი, ხოლო ჩრდილოეთის მიმართულებით -1 ვერთმფრენი.

ყველაზე მაშტაბური შეტაკებები სამხრეთ-აღმოსავლეთის მიმართულებით მიმდინარეობს. მოწინააღმდეგემ, ჯავშანტექნიკის, არტილერიის, მათ შორის მმ-21 („გრად“-ი) დანადგარების გამოყენებით მიზანში არა მხოლოდ თავდაცვის ჯარის პოზიციები, არამედ რესპუბლიკის შიდა რაიონებში განლაგებული მშვიდობიანი სოფლებიც აიღო. ამ მიმართულებით 12:30-ზე თავდაცვის ბანაკის ჰაერსაწინააღმდეგო სისტემებით მოწინააღმდეგის ერთი ვერთმფრენი და 1 ტანკი განადგურდა.

სამწუხაროდ, მძიმე შეტაკებების შედეგად ღარაბაღის მხარემაც განიცადა დანაკარგები",-ნათქვამია ე.წ.  მთიანი ღარაბაღის რესპუბლიკის თავდაცვის ბანაკის პრესს სამსახურის მიერ გავრცელებულ ინფორმაციაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაღაზიათა ქსელებს 30 000 ლარამდე ფინანსური ზარალი მიაყენეს - დაკავებულია 6 არასრულწლოვანი

შსს: მესტიაში დამატებით 17 ე.წ. მაინერი ამოვიღეთ - 3 დღეში ჯამში ამოღებულია 212

უკრაინულმა დრონებმა პეტერბურგი დაბომბეს, დააზიანეს წყალქვეშა იარაღის წარმოების მთავარი ინსტიტუტი

NBC News: პენტაგონმა ისრაელის მხრიდან კონტრდაზვერვის საფრთხის დონე უმაღლესამდე გაზარდა