ჩუღურეთის რაიონში ოთხი სტადიონის აღდგენა-რეაბილიტაცია დასრულდა

2016-04-02 15:34:14, 553 ნახვა

საზოგადოება

ჩუღურეთის რაიონში, აჭარის ქ.#10, დავითაშვილის #48, ნორიოს #54-სა და დგებუაძის #1-ში სპორტული მოედნების აღდგენა-რეაბილიტაცია დასრულდა.

მერიის ინფორმაციით, სარეაბილიტაციო სამუშაოების ფარგლებში გამოიცვალა ხელოვნური, მწვანე საფარი, განახლდა მოედნების კარები და საკალათბურთო ფარები; პროექტის საერთო ღირებულება 74 000 ლარს შეადგენს.

ჩუღურეთის რაიონის გამგებელმა ზურაბ ჩიკვილაძემ აღდგენილი სტადიონები დაათვალიერა და აჭარის #10-ში განახლებულ სტადიონზე ბავშვების თამაშს დაესწრო.

„სპორტული მოედნების რეაბილიტაცია-აღდგენა, კეთილმოწყობილი ინფრასტრუქტურა, ახალგაზრდებში ჯანსაღი ცხოვრების წესის დანერგვას შეუწყობს ხელს'', - განაცხადა ზურაბ ჩიკვილაძემ.

2016 წლის ბოლომდე ჩუღურეთის რაიონში 10 სტადიონის აღდგენა-რეაბილიტაცია იგეგმება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან