სომხეთის პრემიერის ნიკოლ ფაშინიანის საქართველოში ვიზიტის ფარგლებში ქართული ოცნების მთავრობასა და სომხეთის მთავრობას შორის ეკონომიკური კომისიის სხდომა გაიმართა.

სხდომის დასრულების შემდეგ ქართული ოცნების პრემიერმა ირაკლი კობახიძემ და სომხეთის პრემიერმა ნიკოლ ფაშინიანმა ერთობლივი განცხადებები გააკეთეს.

როგორც კობახიძემ თქვა, "გარშემო საკმაოდ რთული ვითარების ფონზე, მნიშვნელოვანია, ქვეყნებს შორის თანამშრომლობის კიდევ უფრო მეტად გაღრმავება".

"ჩვენ ვხედავთ, რომ ჩვენს გარშემო საკმაოდ რთული ვითარებაა შექმნილი და მითუმეტეს, ამ ფონზე, ძალიან მნიშვნელოვანია ჩვენ ქვეყნებს შორის თანამშრომლობის კიდევ უფრო მეტად გაღრმავება. ჩვენ გვაკავშირებს ისტორიული მეგობრობა ჩვენს ხალხებს, ქვეყნებს შორის და ამას ეფუძნება სტრატეგიული პარტნიორობა, რომელიც დამყარებულია საქართველო-სომხეთს შორის.

ძალიან მოხარული ვართ, რომ გვაქვს ძალიან მაღალი დონე თანამშრომლობის, თუმცა არსებობს, ბუნებრივია, მუდმივი ინტერესი, რომ კიდევ უფრო მეტად გავაღრმავოთ ჩვენი სტრატეგიული პარტნიორობა და ჩვენი ტრადიციული მეგობრობა ორ ქვეყანას შორის. ეს თანამშრომლობა ეფუძნება ურთიერთპატივისცემას, საერთო ინტერესებს.

მინდა კიდევ ერთხელ ვისარგებლო შემთხვევით და სომხეთს გადავუხადო მადლობა ჩვენი ეროვნული ინტერესების მხარდაჭერისთვის, პატივისცემისთვის, განსაკუთრებული მადლობა მინდა გადავუხადო ჩვენი სუვერენიტეტისა და ტერიტორიული მთლიანობის მხარდაჭერისთვის", - თქვა კობახიძემ. 

ავტორი: ექსპრესნიუსი,

სოციალური ქსელები

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ