EguptAir-ის ლაინერის გამტაცებელს 8 დღიანი წინასწარი პატიმრობა მიესაჯა

2016-03-30 14:49:32, 1120 ნახვა

მსოფლიო

კვიპროსის სასამართლომ EguptAir-ის კუთვნილი სამგზავრო ლაინერის გამტაცებელ საიფ მუსტაფას 8დღიანი დაკავების გადაწყვეტილება მიიღო, - ამის შესახებ ინფორმაციას BBC ავრცელებს.

მას სავარაუდოდ, გატაცების და კიდევ რამდენიმე მუხლით ელის გასამართლება.

აღსანიშნავია, რომ დაკავებულს კომენტარი არ გაუკეთებია, თუმცა სამარტალდამცველების ინფორმაციით მას შესაძლოა ფსიქიკური აშლილობა ჰქონდეს და აცხადებენ, რომ ჩადენილი დანაშაული ტერორისტული აქტი არ იყო.

საიფ ელდინ მუსტაფამ გუშინ ეგვიპტის ქალაქ ალექსანდრიიდან კაიროში მიმავალი თვითმფრინავი გაიტაცა და პილოტი აიძულა ლაინერი კვიპროსის ქალაქ ლარნაკას აეროპორტში დაესვა. გავრცელებული ცნობით, ის ასაფეთქებელი მოწყობილობის გააქტიურებით იმუქრებოდა. თუმცა, მოვიანებით აღმოჩნდა, რომ "შაჰიდის ქამარი" ყალბი იყო.

ლარნაკას აეროპორტში დაფრენის შემდეგ იგი ეტაპობრივად ათავისუფლებდა ბორტზე მყოფ მგზავრებსა და ეკიპაჟის წევრებს. ბოლოს კი თავად გამტაცებელი პოლიციამ დააკავა. იგი თავის ყოფილ ცოლთან შეხვედრას ითხოვდა, რომელიც კვიპროსში ცხოვრობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან