"ადამიანის უფლებების დარღვევისა და კორუფციის გამო ეფექტური სანქციების რეჟიმის დაწესება რეალურად აჩვენებს, ვინ ვართ ჩვენ, როგორც ერი, სინამდვილეში" - ამის შესახებ ბრიტანეთის პარლამენტის თემთა პალატაში საქართველოს შესახებ საგანგებო მოსმენაზე დეპუტატმა ფილ ბრიკელმა ისაუბრა.

"საქართველო უნდა მიუახლოვდეს ევროპას, ნაცვლად იმისა, რომ ავტორიტარიზმისკენ იხევდეს, განსაკუთრებით რუსული გავლენის კონტექსტში. ქვეყანაში ძალაუფლება კონცენტრირებულია ბიძინა ივანიშვილისა და პარტია „ქართული ოცნების“ ხელში, ხოლო სამოქალაქო საზოგადოება, დამოუკიდებელი მედია და არასამთავრობო ორგანიზაციები ე.წ. „უცხოური გავლენის აგენტების“ კანონის სამიზნეები არიან, რაც კრემლის პრაქტიკას იმეორებს. მშვიდობიანი მომიტინგეები რეგულარულად აწყდებიან ძალადობას და დიდი ბრიტანეთის მიერ ცალკეული თანამდებობის პირებისთვის უკვე დაწესებული სანქციები არასაკმარისია. ივანიშვილის წინააღმდეგ სანქციების არარსებობა, მათ შორის გლობალური ანტიკორუფციული „მაგნიტსკის“ აქტით, არასწორ სიგნალს უგზავნის სხვა კლეპტოკრატიულ რეჟიმებს." - თქვა ბრიკელმა.

 ბრიკელმა ასევე ხაზი გაუსვა საქართველოში მოქმედ ყულევის ნავთობგადამამუშავებელ ქარხანას, რომელმაც, მისი თქმით, „ქართული ოცნებისგან“ გაზრდილი სახელმწიფო დაფინანსება მიიღო. „როიტერის“ ცნობით, ნავთობგადამამუშავებელი ქარხანა დაკავშირებულია რუსეთის სამხედრო დაზვერვის უფროსის პირველ მოადგილესთან, ვლადიმერ ალექსეევთან და რუსული ნავთობის პირველი პარტია ქვეყანამ 2025 წლის ოქტომბერში მიიღო. ბრიკელმა აღნიშნა, რომ ეს რუსეთის წინააღმდეგ საერთაშორისო სანქციების შესაძლო გვერდის ავლის სერიოზულ რისკებს ქმნის.

ავტორი: ექსპრესნიუსი,

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს